THILTHAWHAI 15:20 - Pathien Lekhabu Inthieng (BSI)

²⁰ milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.

THILTHAWHAI 15:20 ပူးပေါင်းရင်းမြစ်များ

THILTHAWHAI 15:29

milim biekna sa fâk dâm, indit dâm ma unla kan tih. Hieng hi in ma chun in ta dingin ṭhâng a tih. Damtakin um ro,” tiin.

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.

THUPUONGSUO 2:14

Nisienlakhawm, tlâwmin demna che ka nei: Balaam inchûktirna pawmtu mi ṭhenkhat i kawl a, ama chun Balak chu Israel mipuihai sukthlû a, milim biekna sa infâktir ding le, inditna suola intlûktir dingin ân chûktir a nih..

LEVI DÂN 3:17

Thâu amanih, thisen amanih in fâk naw ding a nih ti hi, in thlahai chena khawm in umna taphawta chun kumkhaw thuruot ngîrzing nîng a tih,’ ti rawh,” tiin.

INṬANNA 9:4

Amiruokchu, sa a hringna (a thisen) pumin in fâk ding a ni nawh.

THILTHAWHAI 21:25

Jentailhai laia ringtuhai thu chu, milim biekna thil fâk kawnga dâm, sa thisen fâk kawnga dâm, sa râkhlum fâk kawnga dâm, indit kawnga dâm an insukthieng ding a nih, tiin ei rêl a, ei ziek ta kha,” an ta.

1 KORINTH 6:18

Indit hi tlânsan ro. Mihriem isuksuol tinrêng hi taksa puotiengah a nih; mi dit hmang ruok chun ama taksa chungah a suksuol a nih.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

THUPUONGSUO 9:20

Mihriem, chuong hremnaa sukhlum mahlahai chu, an kut thilthawhaia inthawk chun an sim chuong naw a. Khawhrihai le rângkachak milim dâm, tangka milim dâm, dâr milim dâm, lung milim dâm, thing milim dâm, iengkhawm hmu theilo, hre theilo le lâwn theilo dâm biek chu an ma chuong nawh.

1 PETER 4:3

Jentailhai dit zâwng thâwna ding le, hurnaa dâm, taksa châknaa dâm, uoin hênaa dâm, zu hmun hlimnaa dâm, zu dâwn khâwmnaa dâm, milim biekna tirdakumtaka dâma umna ding chun kha hma kha a huntâwk tah.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

1 THESSALONIKA 4:3

Pathien dit zâwng, in inthiengna ding chu, hi hi a nih, indit bânsan unla;

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni si a.

EPHESI 5:3

Nisienlakhawm, mi inthienghai thawa mawi âwm tak hrimin, inditna le inthiengnawna po po, duamna leh nangni laiah a sâma sâm khawmin um naw raw se;

GALATI 5:19

Chun, tisa thilthawhai chu ân lang fel a nih; chuong chu hieng hi an nih: inditna dâm, inthiengnawna dâm, hurna dâm,

1 KORINTH 8:1

Chun, milimhai kuoma inthâwina thilhai thu kha chu: Ei rêngin hrietna ei nei seng ti ei inhriet a. Hrietna hin chu mi a sukuong hlak a, lunginsietna ruok chun mi a siem ṭha hlak.

1 KORINTH 7:2

Nisienlakhawm, inditnahai a um hlak leiin pasalin nuhmei bîk nei seng hai sienla, nuhmei khawmin pasal bîk nei seng raw hai se.

1 KORINTH 5:11

Tu ruok hin chu tûkhawm unau hming input siin indit hmang mi amanih, mi duâm amanih, milim betu amanih, inhalhmang amanih, zu inruihmang mi amanih, hlêpru mi amani ni sienla, pâwl lo dingin in kuomah ka ziek a nih; chuong ang mi kuoma chun a fâk khawm fa lo dingin.

EZEKIEL 4:14

Chun, kei chun, “A, Lalpa Pathien! ngai ta, kei chu ka lungril khawm sukpawrche a la ni naw a, ka tleirâwla inthawk tah tu chen hin amaa thi amanih, ramsahaiin an kei nâwi amanih ka fâk ngai naw a, ka baua hin sa tirdakum hrim hrim a lût ngai nawh,” ka ti a.

DÂN PAHNINA 15:23

A thisen ruok chu in fâk dêr ding a ni nawh, tui angin hnuoiah in bunthlâk el ding a nih.

DÂN PAHNINA 12:16

A thisen ruok chu in fâk ding a ni nawh; tui angin hnuoiah in bunthlâk ding a nih.

THUPUONGSUO 10:8

Chun, vâna inthawka rawl ka ihriet khan a mi biek nâwk a, “tuipui le khawmuola ngîr vântirko kuta lekhabu phar sa saw va la rawh,” a ti ka hriet a.

THUPUONGSUO 10:2

A kuta chun lekhabu chîtê phawk sa a chawi a, a ke changtiengin tuisuoriet a sir a, a vawitiengin khawmuol a sir a;

HEBRAIHAI 12:16

indit hmang amanih, Esau anga Pathien inza naw mi amanih um rawi an tih. Ama chun a nau lutir nina chu bu vawikhat fâkin a zawr a.

2 KORINTH 12:21

ka hung nâwk pha ka Pathienin nangni lai mi sukmuolpho nâwkin, kha hmaa thil suksuoltuhai lai thil inthiengnaw thaw dâm, indit dâm, hur dâm, chînga sim si lo mi tamtakhai chu ṭa rawi ka tih, ti kân lau in sawnnaw.

1 KORINTH 6:13

Fâk dinghai chu phîng ta ding a na, phîng chu fâk dinghai ta ding a nih; nisienlakhawm, Pathienin sukbo ve vêng a tih. Chun, taksa hi inditna ding a ni naw a, Lalpa ta ding a ni lem: Lalpa khawm chu taksa ta ding a nih.

DANIEL 1:8

Nisienlakhawm, Daniel chun a lungrilin lal bu fâk le a uoin dâwnhai chun ama chu insukpawrche lo a tum tlat a: chuongchun, mitillâkhai hotu kuoma chun ama chu ân sukpawrche naw theina ding kawng chu a hni a.

EZEKIEL 33:25

Chuleiin, an kuoma chun, Lalpa Pathien chun hieng hin a tih: Thisen leh bu in fâk a, in milimhai tieng chun in mithai in inlên a, thisen in insuo a, ram chu in chang hrim ding am a nih?

1 SAMUEL 14:32

Chuongchun, mipuihai chun an râllâk thilhai chu a bawin an baw a, berâmhai, bâwngchalhai, kêltehai an man a, hnuoia chun an sukhlum a, mipuihai chun a thisen pumin an fâk el ta a.

DÂN PAHNINA 14:21

“Mania thi chu iengkhawm in fâk ding a ni naw a, in umpui ram dang mihai fâk dingin pe thei in tih; hnam dang mihai kuomah a zawrin zawr thei bawk in tih; nangni chu Lalpa in Pathien ta dinga hnam inthieng in ni si a. Kêlte chu a pui nênetuiin in suong ding a ni nawh.

NAMBAR 25:2

an pathienhai kuoma an inthâwinahaia chun an fiel tâwl a; Chuongchun, an fâk a, an pathienhai chu chibai an bûk ve ta a.

FESUOKNA 20:23

Keima le biek ding pathien danghai in insiem ding a ni naw a, in ta dingin tangkaraw pathienhai, rângkachak pathienhai in siem ding a ni bawk nawh.

INṬANNA 35:2

Chuongchun, Jakob chun a sûnghai le a kuoma umhai po po kuoma chun, “Nangni laia mi dang pathien umhai chu sie hmang dai unla, insukthiengin in silfênhai inthleng ro:

LEVI DÂN 18:6

“Tukhawma in sûng bulhai hrim hrim chu an saruokna hlîm dingin in pan ding a ni nawh; kei hi Lalpa chu ka nih.

LEVI DÂN 19:26

“Ieng sa khawm a thisen pumin in fâk ding a ni nawh. Dawi dâm hmangin aisân dâm in chîng ding a ni nawh.

1 SAMUEL 14:33

Chuongchun, “Ngai ta, mipuihai chun thisen puma fain Lalpa chungah thil an suksuol tah,” tiin, Saula chu an hril a. Chun, ama chun, “Ringmawumtakin thil in thaw a nih, lung lientak mi hung inhlumpêk ro,” a ta.