THILTHAWHAI 15:13 - Pathien Lekhabu Inthieng (BSI)

¹³ Chun, an hril zoin Jakobin a hril ve thung a; “Unauhai, ka thu lo ngai ta u,

THILTHAWHAI 15:13 ပူးပေါင်းရင်းမြစ်များ

MARKA 15:40

Chun, nuhmeihai khawm hlataka thlîrin an um a; chuhai lai chun, Mari Magdalin hai, Mari, Jakob chîn le Jose nu hai dâm, le Salomi hai an ṭhang a, (chuonghai chu Galili rama a um laia ama zuia a rawng bâwlpêk hlak hai chu an nih);

THILTHAWHAI 12:17

Chuongchun, ama chun an tona dingin kutin a zâp a, Pathienin intângna ina inthawka a ṭhuoi suokzie chu a hril ta a. Chun, “Hieng thu hi Jakob le unauhai kuomah va hril ro,” a ta. Chun, a suok a, ram dangah a fe ta a.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

THILTHAWHAI 2:14

Nisienlakhawm, Peter chu sâwm le pakhathai leh an ngîr a, ama chun râwl inringtakin, an kuomah a hril a, “Nangni Judai rama mihai, nangni Jerusalema um po pohai, hieng hi hre unla, ka thu khawm lo ngai ro.

THILTHAWHAI 2:22

“Nangni Israel mihai hieng thu hi lo ngai ro; Nazareth Isu chu, Pathienin nangni lai thilthaw mak dâm, thilmak dâm, inchikna dâm inthawtirin ân hriet chiengtir cheu kha,

THILTHAWHAI 2:29

“Unauhai, chi thlatu David chanchin hi ṭi lovin in kuomah ka hril cheu a; ama chu a thi a; phûm khawm an phûm tah annâwm, a thlân khawm tu chen hin ei kuomah a la um zing a.

THILTHAWHAI 21:18

A zînga chun Paula rawiin Jakob kuomah kan lût a; chutaka chun kohran upahai po po khawm an um a.

THILTHAWHAI 22:1

“Unauhai, pahai, tuhin in kuomah ka thiemna thu ka hril ding cheu a ni hi lo ngai ro,” a ta.

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

GALATI 1:19

Tirko danghai ruok chu, Lalpa unau Jakob chau naw chu, tûkhawm ka hmu naw a.

GALATI 2:12

Mi tuhai amanih Jakob kuoma inthawka an hung hma chun, ama chun Jentailhai lai bu a fâk hlak a; nisienlakhawm, an hung tlung phingleh Sertan mihai chu a ṭi leiin ṭhang nâwk ta lovin, ân suktum ta si a.

GALATI 2:9

Lunginsietna a mi pêk chu an hrietin, Jakob hai, Kipha hai, Johan hai, bana an iruothai chun, keini Jentailhai laia fe ding le, anni po sertanhai kuoma fe dingin kei le Barnaba chu inpâwlna kut changtieng an mi pêk ta lem hman a.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu lovin, lungril sukuoi raw se;