THILTHAWHAI 14:23 - Pathien Lekhabu Inthieng (BSI)

²³ Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

THILTHAWHAI 14:23 ပူးပေါင်းရင်းမြစ်များ

TITA 1:5

Hi lei hin Kret thlierkâra khan ka mâksan che a nih: thil sukfel bâkhai chu i sukfel pei theina ding le, thu ka pêk che ang khan khaw tinah upahai i ruotna dingin;

THILTHAWHAI 11:30

Chu chu an thaw ta ngei a, Barnaba le Saula kuta chun upahai kuomah an inphur ta a.

JAKOB 5:14

Nangni lai damnaw an um am? Kohran upa inkotir sienla, anni chun Lalpa hminga hriek nâlin a chungah ṭawngṭai raw hai se.

2 TIMOTHE 2:2

Chun, hretu tamtakhai laia ka bâua thu i hriethai kha, chuong chu, mi ringum, mi danghai inchûktir sâwng thei dinghai kuoma chun inkawltir rawh.

THILTHAWHAI 20:32

“Tuhin Pathien kuomah le a lunginsietna thuah kân kawltir cheu, chu chun a siem lien thei cheu a, mi inthienghai lai ro chan ân neitir thei bawk cheu a.

1 TIMOTHE 5:22

Tû chunga khawm kut innghat thut naw la, mi dang suolnahaia chun ṭhang bawk naw; insukthieng zing rawh.

THILTHAWHAI 20:17

Chun, Miletia inthawkin Ephesiah mi a tir a, kohrana upahai a kuomah ân kotir a.

3 JOHAN 1:1

Upa chun: Dittak Gaia, titakzeta ka ihmangai kuoma chun,

2 JOHAN 1:1

Upa chun: Nuhmei ṭha thlang le a nauhai kuomah: Titakzetin ka hmangai cheu a nih, kei chau ni lovin, thutak chu hre taphawt khawmin an hmangai cheu a nih:

1 PETER 5:1

Chuongchun, nangni laia kohran upahai chu, kei, in upatpui, Krista tuornahai hretu, ropuina hung inlang ding chang vetu ding hin kân fui cheu.

1 TIMOTHE 5:1

Putar deuhai chu hal naw la, pa angin thlêm lem rawh; tlanglakhai chu unau angin;

THILTHAWHAI 15:6

Chun, tirkohai le upahai chu, chu thu chu ngaituo dingin an inkhâwm a.

THILTHAWHAI 15:4

Chun, Jerusalem chu an hang tlung chun, kohranhai, tirkohai, upahai chun an lo lâwm a, chun, Pathienin anni hmanga thil a thawhai po po chu an hril a.

1 PETER 5:10

Chun, lunginsietna po po Pathien, a chatuon ropuina chang dinga Kristaa kotu cheu chun, sâwt nawtê in tuor hnungin siemṭha famkimin, sukdetin, sukhrât a ti cheu.

2 TIMOTHE 1:12

Chu lei chun a nih hieng thilhai khawm hi ka tuor chu, nisienlakhawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

THILTHAWHAI 15:23

Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 14:26

chutaka inthawk chun lawngin an suok a, Antiokei chu an hung tlung nâwk ta a, chu chu a thil thaw zo ta chu thaw dinga unauhaiin Pathien lunginsietna inkawltira an suokna kha a nih.

THILTHAWHAI 1:22

Johan Baptisma chena inthawka ei kuoma inthawka vâna ṭhuoia a um ni chen kha hieng a mi pâwl hlakhai laia mi pakhat, a thonâwkna mi hrietpuitu dingin a um ding a nih,” a ta.

LUKA 23:46

Chun, Isu râwl inringtakin a khêk a, “Pa, i kutah ka thlarau kân kawltir,” a ta. Chu chu a ti zo chun a thlarau ân thla ta a.

MARKA 3:14

Chun, sâwm le pahni a ruot a, a kuoma an um theina dingin le thu hril dinga a tir dawk theina ding le,

LUKA 2:37

Kum sâwmriet pali zet hmeithaiin a um a. Ama chun Pathien biekin fesan lovin asûn azâna bu nghei dâma ṭawngṭaiin Pathien a biek hlak a.

THILTHAWHAI 1:24

Chun, an ṭawngṭai a, “Lalpa, Nang mihriem po po lungril hretu, hienghai hi a tu lem am i thlang mîn hriettir la;

2 KORINTH 8:19

Chuong chau khawm chu a ni naw a, Lalpa ropuizie le kan inzozie inentir dinga a rawng kan ibâwl hi lunginsietna thua hin keini le khuo fang ve dingin kohranhai iruot ve hrim a ni bawk a.

MATTHAI 17:21

[Amiruokchu, hieng ang hi ṭawngṭai le bunghei chau naw chun a suok thei nawh]”, a ta.