THILTHAWHAI 13:43 - Pathien Lekhabu Inthieng (BSI)

⁴³ Chun, inkhâwmhai chu an ṭin phingleh, Judahai le an saphun Pathien ngaisak laia mi tamtakin Paula le Barnaba chu an zui pei a; anni chun an lo biek a, Pathien lunginsietnaa chun um zing dingin an infui a.

THILTHAWHAI 13:43 ပူးပေါင်းရင်းမြစ်များ

MATTHAI 23:15

Nangni Dân inchûktirtu le Pharisai vervêkhai in chung a rik; Saphun pakhat khawm siem dingin tuisuoriet le khawmuol in fe huol si a, chun, chuong anga a hung um phaleh ama chu nangni lethni rauin Hremhmun naupaah in siem hlak.

THILTHAWHAI 11:23

Chun, ama chu a va tlung a, Pathien lunginsietzie chu a hmu chun a lâwm hle a; ṭhahnemngaitaka Lalpa chel zing dingin an rêngin ân fui ta a.

THILTHAWHAI 13:50

Nisienlakhawm, Judahai chun nuhmei inzaum Pathien ngaisakhai le khuoa upahai chu an infui a, Paula le Barnaba chu an insuknawmnatir a, an rama inthawkin an hnawt suok ta a.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

THILTHAWHAI 14:3

Chuleiin, Lalpa thu huoitaka hrilin chutaka chun sâwt rei an um a, ama chun, inchikna le thilmakhai an kuta inthawtirin, a lunginsiet thu ân hriettir hlak a.

THILTHAWHAI 16:14

Chun, a hming Luda, puon senduk zawrtu, Thuotira khuoa mi, Pathien betu nuhmei pakhatin kan thu a hriet a; chun Paula thu hril zâwm dingin Lalpa chun a lungril a sukvar ta a.

THILTHAWHAI 17:17

Chuongchun, inkhâwmna inah Judahai le Pathien ngaisakhai a sêl hlak a, dâwr hmuna dâm khawm, chutaka hung um taphawthai chu ni tin a lo sêl bawk hlak a.

THILTHAWHAI 17:34

Nisienlakhawm, mi tuhai amanih a kuomah an ṭhang ta tlat a, an ring ta a; anni laia ṭhenkhathai chu Areopagia rorêltu pâwla mi Dionusia le, nuhmei pakhat a hming, Damari le, an kuoma mi danghai le chun an nih.

THILTHAWHAI 17:4

Chuongchun, anni laia ṭhenkhat chu zâwrthlûkin an um ta a, Paula le Sila chu an pâwl ta a; Pathien ngaisak Grik mipui nasatak le nuhmei ṭhuoitu tamtak leh.

THILTHAWHAI 18:7

Chun, chutaka inthawk chun a fe a, mi pakhat a hming Tita Justa inah a lût a, ama chun Pathien a biek hlak a; a in chu inkhâwmna in bula um nih.

THILTHAWHAI 2:10

Phrugia rama um dâm, Pamphulia rama um dâm, Aigupta rama um dâm, Kurini kâwl vêla Libu rama um ei na,

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

THILTHAWHAI 6:5

Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:6

Lunginsietna lei a ni chun thilthaw lei ni ta naw ni; chuong a ni naw chun lunginsietna hi lunginsietna ni ta naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:24

Chuong a ringtuhai chu Krista Isua intlanna um lei chun, lunginsietnaa a thlâwna thiem inchangtirin an um a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:2

ama lei bawk chun hi lunginsietnaa ei ngir detnaa hin ringnain ei lût ta a, Pathien ropuina beiseiin lâwmin ei um bawk a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:21

suol chun thinain ro a rêl ang takin, lunginsietna chun, felnain kumkhaw hringna changna khawp hielin ei Lalpa Isu Krista zârah ro a rêl theina dingin.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

GALATI 5:4

Nangni Dâna thiem chang tumtuhai, Krista leh in inṭhe ta a, lunginsietna chu in tlûksan tah.

EPHESI 2:8

Ringna leia lunginsietnaa sandam in ni si a, chu khawm chu nangnia inthawka suok a ni naw a, Pathien thilpêk a nih.

PHILIPPI 3:16

Iengkhawm ni sien la, ei phâk chin ang pei hi sukdikin, chutaka inthawk chun fe pei ei tiu.

PHILIPPI 4:1

Chuleiin, ka unau dittak le ka ngaitak, ka lâwmna le ka lallukhumhai, chuong ang chun Lalpaah ngîr det ro, ka dittakhai.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

KOLOSSA 1:28

Mi tin Kristaa chun ṭha famkima kan inngîrtir theina dingin, mi tin infuiin, mi tin varna tinrênga inchûktirin a chanchin kan hril hlak hi;

TITA 2:11

Mi po po sandamna dingin Pathien lunginsietna chu a hung inlang ta si a.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

HEBRAIHAI 13:9

Inchûktirna tinrêng le inchûktirna maktak lên hmangin um naw ro; lungril hi lunginsietnaa sukdet chu a ṭha si a, fâk dinghaia sukdeta um lovin, chuong ang kawng lungkhamhai chun chuonga chun ṭhathnemna an hmu chuong nawh.

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.

2 PETER 3:14

Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.

2 JOHAN 1:9

Tûkhawm Krista inchûktirna thua um zing lova, fe khêl chun Pathien a nei nawh. Chu inchûktirna thua um zing ruok chun, ama ngei chun Pa le Naupa a nei kawp a nih.