THILTHAWHAI 13:40 - Pathien Lekhabu Inthieng (BSI)

⁴⁰ Chuleiin, fîmkhur ro, chuong naw chun, zâwlneihai lekhabua an hril kha in chungah hung tlung a tih,

THILTHAWHAI 13:40 ပူးပေါင်းရင်းမြစ်များ

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuongchun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

EZEKIEL 33:9

Nisienlakhawm, mi rilo chu a um dân bânsan dinga i vaulâwk a, a um dân a bânsan si naw chun, ama chu ama suolnaa chun thîng a ta, nang chun i nun i sanhim nîng a tih.

HABAKKUK 1:5

Nangni hnamhai laia mihai, en ta u, Ngaisak unla, maktitakin ngaituo ro. Hril ni unla khawm in âwi nâw ding In hunahai hin sin ka thaw ding a nih.

MALAKI 3:2

“Nisienlakhawm, a hungna nia chun tu am um thei a ta? Ama a hung inlang pha chun tu am ngîr a ta? Ama chu fiena mei ang le, puon sâwptu sabawn ang a ni si a;

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

THILTHAWHAI 15:15

Chun, chuong thu le zâwlneihai thu hi ân hme a nih:

THILTHAWHAI 7:42

Chuongchun, Pathienin a nghat san a, vâna arasihai chibai an bûk theina dingin anni a ensan ta a; Zâwlnei Lekhabua, ‘Israel chihai, thlalêra khan kum sâwmli sûngin, Sa that le ran thatin kei in mi biek am a nih?

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.