THILTHAWHAI 13:27 - Pathien Lekhabu Inthieng (BSI)

²⁷ Jerusalema umhaiin, an hotuhai leh, ama chu an hriet naw lei le, zâwlneihai thu, Châwlni taphawta tiem hlak kha, an hriet bawk naw leiin, ama chu thiemnaw inchangtirin, chu thu chu an hlen ta a.

THILTHAWHAI 13:27 ပူးပေါင်းရင်းမြစ်များ

INṬANNA 50:20

Nangni chun ka chungah thil suol thaw in lungril a; nisienlakhawm, Pathien chun, vawisûna an um ang ngei hin, mi tamtak dama sanhimna dingin thil ṭhaa inchangtir a lo lungril lem a ni si a.

MATTHAI 22:29

Isûn a dawn a, an kuomah, “Pathien Lekha thu le, Pathien thilthawtheina in hriet naw leiin in ngai suol hlak a nih.

LUKA 22:34

Ama chun, “Peter, ka hril che hi, i mi hrietnaa hin vawi thum i mîn phat hmakhat chu vawisûn hin âr khuong naw ni,” a ta.

LUKA 23:13

Chun, Pilatin thiempu lalhai, hotuhai, mi po pohai a ko khâwm a,

LUKA 24:20

thiempu lalhai le kan hotuhaiin that thu pêk dingin an ṭhuoi a, krawsa an hemdezie dâm thu kha.

JOHAN 15:21

Nisienlakhawm, hieng thil po po hi ka hming leiin in chungah thâwng an tih, keia mi tirtu an hriet naw leiin.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw naw a, Pain a mi hril ang peiin hieng thu hi ka hril a nih ti la hung hrieng in tih.

THILTHAWHAI 15:21

Mosien inhmaa inthawk tah khaw tinah a thu khêkpuitu a nei hlak si a; inkhâwmna inahai Châwlni taphawt chun a thu chu tiem a ni hlak kha,” a ta.

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

THILTHAWHAI 3:17

“Nisienlakhawm, unauhai, in hotuhai khawmin an inmâwl leia an thaw ang khan, in inmâwl leiin hieng hi in thaw a nih ti ka hriet.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

1 KORINTH 2:8

Chu chu hi khawvêl rorêltuhai hrim hrimin an hriet nawh, hre hai sien chu ropuina Lalpa chu hemde naw ni hai.

2 KORINTH 3:14

An lungril ruok chu sukngarin a um ta lem a; vawisûn chen khawm hin thuthlung hlui chu an tiemin inkhumna pângngai chu hlîm lovin a um zing si a; chu inkhumna chu Kristaa chun sukboin a um ta a.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

1 TIMOTHE 1:13

Inhma chun hrilsetu le suknawmnatu le sawisatu ni lang khawm, awi naw puma hre lova thaw ka ni leiin zângaina chu ka hmu a nih;