THILTHAWHAI 13:23 - Pathien Lekhabu Inthieng (BSI)

²³ “Chu thlahai laia chun Pathienin, thutiem ang peiin, Israelhai Sandamtu Isu a hung intlun a.

THILTHAWHAI 13:23 ပူးပေါင်းရင်းမြစ်များ

2 SAMUEL 7:12

I nihai a kina, i puhai kuoma i zâl pha chun, i hnunga i thla, i rîla ra ding chu tungding ka ta, a ram chu sukdet ka tih.

INPÂKNA HLABU 132:11

Lalpa chun David kuomah thutakin ṭawng ân khâm ta a, Chu chu nghatsan naw nih. “I taksa raa mi i lalṭhungphaa chun inṭhungtir ka ta;

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 43:11

Kei, keima ngei hi, Lalpa chu ka nih; keima naw chu sandamtu hrim hrim an um nawh.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei Lalpa hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

ISAI 7:13

Chun, ama chun, “Aw David sûnghai, tuhin lo ngai ta u, mihriem suksâwl hi thil chiretekah in ruot a ni maw? Ka Pathien chen khawm suksâwl in nuom rawp hi.

JEREMIA 30:9

amiruokchu, Lalpa an Pathien rawng le, an lal David an kuoma ka tungding ding chu a rawng bâwl lem tâng an tih.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

MATTHAI 1:1

Abraham naupa, David naupa, Isu Krista thlatuhai inthlazie chanchin chu:

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

MATTHAI 22:42

“Krista chu ieng angin am in ngai a, tu naupa am a na?” a ta. Anni chun a kuomah, “David naupa,” an ta.

LUKA 1:69

A siehlaw David sûnghai lai chun, Sandamna ki a mi siempêk ta si a;

JOHAN 4:42

Chun, anni chun, nuhmei kuoma chun, “Tu zet hin chu i thu hril leia ring kan ni ta nawh; keini ngeiin a thu hril kan hriet ta a, hi mipa hi khawvêl Sandamtu a ni ngei ti kan hriet tah,” an ta.

JOHAN 7:42

Krista chu David thlahai laiah, David umna khuo Bethlehemah a suok ding a nih ti Pathien Lekhain a hril naw am a nih?” an ta.

THILTHAWHAI 13:32

Keini khawmin thlatuhai kuomah thutiem kha a chanchin lâwmum kan hung hril cheu hi,

THILTHAWHAI 2:30

Ama chu zâwlnei a na, Pathienin a ṭhalbea mi tû amanih a ṭhungpha chungah ân ṭhungtir ding a nih ti inkhâmin a hril ti a hriet a.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

THILTHAWHAI 4:12

Mi dang tu kuoma khawm sandamna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:3

Taksa tienga chun ama chu David suona insieng a na,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26

Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

2 PETER 1:11

chuongchun, Isu Krista ei Lalpa le Sandamtu chatuon rama lûtna chu nasataka inhmutir nîng in tih.

2 PETER 2:20

Lalpa le Sandamtu Isu Krista an hriet leia khawvêl inthieng nawnahai an tlân suok san hnungin chutaka bawk chun an intâng nâwk a, ngama an um nâwk si chun, an umze nuhnung chu a tîra nêk chun a hung se ta lem nîng a tih.

2 PETER 3:18

Amiruokchu, ei Lalpa le Sandamtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.

2 PETER 3:2

zâwlnei inthienghai thu hrillâwk le, in tirkohai baua Lalpa le Sandamtu thupêk chu in hriet zingna dingin.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.