THILTHAWHAI 13:21 - Pathien Lekhabu Inthieng (BSI)

²¹ Chun, chu hnunga chun lal an hni a; chuongchun, Pathienin Saula, Kis naupa, Benjamin chia mi kha an kuomah a pêk a, kum sâwmli sûnga dingin.

THILTHAWHAI 13:21 ပူးပေါင်းရင်းမြစ်များ

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 11:15

Chuongchun, mipui po po chu Gilgala chun an fe ta a, Saula chu Gilgala chun Lalpa hmaah lalah an siem ta a. Chutaka chun Lalpa hmaa chun inremna thilinhlânhai an inhlân a; chuongchun, chutaka chun Saula le Israel mi po pohai chu an lâwm ta êm êm a.

1 SAMUEL 15:1

Chun, Samuel chun Saula kuomah, “Lalpain a mihai chungah, Israelhai chunga lal dinga hriek nâl ding chein a mi tir a nih; chuongchun, Lalpa thuhril râwl chu ngai ta khai, Sipaihai Lalpa chun.

1 SAMUEL 8:5

a kuomah, “Ngai ta, i hung upa ta hle el a, i naupasalhai hlak chun i umdân hi an lâk ve dêr si naw a; hnam danghai po po ang bawka kan chunga ro mi rêlpêk dingin lal mi siempêk raw khai,” an ta.

1 SAMUEL 9:1

Benjamin rama Benjamin thlaa mi mi pakhat mi hrât huoisen a um a, a hming chu Kis a nih; ama chu Abiel naupa a na, ama chu Zeror naupa a na, ama chu Bekorath naupa a na, ama chu Aphia naupa a nih.

1 SAMUEL 9:15

Chun, Saula hung hma ni khata chun Lalpa chun Samuel chu a lo hril rûk a,