THILTHAWHAI 13:19 - Pathien Lekhabu Inthieng (BSI)

¹⁹ Chun, Kanaan rama hnam sari a suktlâwm zo hnung khan an ram chu hluo dingin a pêk pei a, kum zali sâwmnga sûng po khan.

THILTHAWHAI 13:19 ပူးပေါင်းရင်းမြစ်များ

INṬANNA 12:5

Chun, Abramin a nuhmei Sarai le, a unaupa naupasal Lota le an sum themsuok po po le, Harana an mi neihai chu a ṭhuoi a; Kanaan rama fe dingin an suok a. Kanaan ram chu an tlung chun,

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

1 LALHAI 6:1

Israel thlahai Aigupta rama an suok chena inthawk kum za li le kum sâwmrietna kum, Israelhai chunga Solomon inlal kum lina, Ziv thla, thla hninaa chun Lalpa in bâwl chu a ṭan a.

NEHEMIA 9:24

Chuongchun, an thlahai chun ram chu an hluo ta a, chun, nangin chu rama um Kanaan mihai chu an hmaah i suktlâwm a, an nuom nuom an law dingin an lalhai le chu rama mihai le chun an kutah i pêk a.

INPÂKNA HLABU 135:11

Amor mihai lal Sihon le, Basan ram lal Og le, Kanaana mi po po chu.

INPÂKNA HLABU 78:55

Hnam tin chu an hmaah a hnawt suok a, Anni chu hruia inkhi dingin rochanah a siem a. An puon ina chun Israel hnamhai chu ân umtir ta a.

ISAI 34:17

Ama chun an ta dingin ai a sânpêk a, a kutin hruia inkhiin ram chu a sempêk tâwl a; kumkhuoin nei an ta, suon um sûng po po chun chutaka chun um an tih.

THILTHAWHAI 7:45

Chu bawk chu ei thlatuhai thla nâwk khawmin an nei sâwng pei a, Pathienin ei thlatuhai hmaa Jentail a hnawt suokhai ram an hluo lai khan Josua lût ruolin an lûtpui a; David hung um chen khan chutaka chun a um ta zing a.

DÂN PAHNINA 7:1

“Lalpa in Pathienin in va hluo ding rama a ṭhuoi lût cheu a, in hmaa hnam tamtak, Hit mihai, Girgas mihai, Amor mihai, Kanaan mihai, Periz mihai, Hiv mihai, Jebus mihai dâm, nangni nêka ropui le thilthawthei hnam sarihai a hnawt suok pha,

JOSUA 14:1

Hienghai hi a nih Israel nauhaiin Kanaan ram an lâk, thiempu Eleazar hai, Nun naupa Josua hai, Israel nauhai hnam sûngkaw puipahaiin an rochan dinga an lo semhai chu.

JOSUA 18:10

Josua chun Siloa chun Lalpa hmaa chun ṭhum a lo vâwrpêk a, chutaka chun Israel thlahai chu an inṭhe ang pei chun ram chu a sem ta a.

JOSUA 19:51

Chuonghai chu a nih thiempu Eleazar hai, Nun naupa Josua hai le Israel thlahai hnam sûngkuo upahaiin Siloa Lalpa hmaa inbiekna puon in kawtkhâra an rochan dinga ṭhumvâwra an lo sempêk tahai chu, chuongchun, ram ṭhe chu an zo tah a nih.

JOSUA 23:4

Ngai ta u, hieng hnam a la umhai hi, hieng hnam ka sukbo tahai po po ramhai le hin, Jordana inthawka nisa tlâkna tieng Mediterranean tuipui tlung rakin in chihai rochanah ka ruotpêk cheu a nih.

JOSUA 24:11

Chun, Jordan vadung in kai a, Jeriko in hang tlung a; chun, Jerikoa mihai chun an lo do cheu a; Amor mihai, Periz mihai, Kanaan mihai, Hit mihai, Girgas mihai, Hiv mihai, Jebus mihai le khan, chuongchun, anni chu in kutah ka pêk a.

RORELTUHAI 11:26

Israelhai Hesbona le a khaw chînhaia dâm, Aroer le a khaw chînhaia dâm, Arnon ramri dep khawpuihai po poa chun kum za thum zet an um lai khan iengdinga la lova lo la um zing am i ni leh?