THILTHAWHAI 12:8 - Pathien Lekhabu Inthieng (BSI)

⁸ Vântirko chun a kuomah, “Dier kei la, i kekawk bun rawh,” a ta. Ama chun chuong ang chun a thaw a. Chun vântirko chun a kuomah, “I puon bât ṭha la, mi zui rawh,” a ta.

THILTHAWHAI 12:8 ပူးပေါင်းရင်းမြစ်များ

MATTHAI 3:11

Kei chun chu simna dingin tuiin ka baptis hlak cheu a; nisienlakhawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

MARKA 6:9

kekawk ruok chu bun ding a ti a. “Zakuo pahni hâk naw ro,” a ti bawk a.

LUKA 12:37

An pu a hung phaa suok lo nghâk zinga a hmu dinghai chu an hamṭha. Titakzetin ka hril cheu hi, ama chun a dier hung kei a ta, anni chu thlaithlêng awtin inṭhungtir a ta, an rawng hung bâwlpêk a tih.

THILTHAWHAI 12:7

Chun, ngai ta, Lalpa vântirko pakhat a kâwlah a hung ngîr a, rip sûnga chun var ieng amanih a hung var a, Peter nâkah a khîk har a, “Tho vak rawh,” a ta. Chun, a kuta khaidiethai chu a tla ta a.

THILTHAWHAI 12:9

Peter chu a suok a, a zui ta a; vântirko chângzie chu a tak a ni ti a hriet naw a, manga a hmu amanih a sâwn lem a.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

THILTHAWHAI 8:26

Chun, Lalpa vântirko pakhatin Philip chu a biek a, “Tho la, sim tienga Jerusalema inthawka Gaza zuk sun lampuia khan fe rawh, chu lampui chu thlalêra fe thleng a nih,” a ta.