THILTHAWHAI 12:7 - Pathien Lekhabu Inthieng (BSI)

⁷ Chun, ngai ta, Lalpa vântirko pakhat a kâwlah a hung ngîr a, rip sûnga chun var ieng amanih a hung var a, Peter nâkah a khîk har a, “Tho vak rawh,” a ta. Chun, a kuta khaidiethai chu a tla ta a.

THILTHAWHAI 12:7 ပူးပေါင်းရင်းမြစ်များ

2 SAMUEL 22:29

Aw Lalpa, khâwnvar i ni si a; Lalpa chun kân thimna hi sukvar a tih.

1 LALHAI 19:5

Chuongchun, Juniper thing hnuoia chun a zâl a, a in ta a; chun, ngai ta, vântirko hin a hung them a, a kuomah, “Tho la, fa rawh,” a ta.

1 LALHAI 19:7

Chun, Lalpa vântirko chu a hung nâwk a, a hung them a, “Tho la, fa rawh, i fena ding i ta dingin lam hla a nih,” a ta.

INPÂKNA HLABU 107:14

Inthim hnuoi le thina hlima inthawk chun a ṭhuoi suok a, An khuopnahai chu a suktan ta a.

INPÂKNA HLABU 116:16

Aw Lalpa, i siehlaw ka ni tak zet el, I siehlaw i suoknu naupa chu ka na, Khuopa ka umnahai chu i mi sût ta a.

INPÂKNA HLABU 146:7

Ama chun nêksâwrna tuorhai ta dingin ro a rêl hlak, Ama chun phîngṭâmhai kuomah bu a pêk hlak. Lalpa chun mi intânghai chu ân suoktir hlak.

INPÂKNA HLABU 34:7

Ama ṭîtuhai chu an vêla chun Lalpa vântirko chun a um ngha a. A sanhim hlak.

INPÂKNA HLABU 68:6

Pathien chun mi malhai chu sûngkuo laiahai ân ṭhangtir hlak a; Mi intânghai chu a ṭhuoi suok a, vângneinaah a ṭhuoi lût hlak: Helhmanghai ruok chu ram ṭâwlah an um hlak.

ISAI 37:30

Chun, hi hi i ta dinga inchikna ding chu nîng a tih; tu kum hin bu inhli ring in ta, kum nâwk khawm chu inhli bawk chu ring in tih; chun, a kum thumnaa chun bu tu unla, ât unla, grêp huonhai siem unla, a ra chu fa ro.

ISAI 60:1

Tho la, var rawh, i var chu a hung tlung a; Lalpa ropuina chu i chungah a hung suok ta hi.

JEREMIA 40:1

Nebuzaradan, vêngtu pâwl hotuin ama chu Ramaa inthawka ân fetir a, Juda rama mi le Jerusalema sal intânghai Babulon tienga sala ṭhuoihai laia khaidieta khuopa ama a ṭhuoi hnunga Lalpa kuoma inthawka Jeremia kuoma thu hung tlung chu.

EZEKIEL 43:2

chun, ngai ta, saktienga inthawk chun Israel Pathien ropuina chu a hung tlung ta a; chun, a râwl khawm chu tui tamtak ri ang a nih; chuongchun, a ropuina chun hnuoi chu a var ta a.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

MIKA 7:9

Lalpa chunga chun thil ka suksuol ta leiin, a lungninawna nasatak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

HABAKKUK 3:11

Nisa le thla chu an umnaa chun an ngîr zing a, I thalhai kâp suoka umhai vara le, I fei tle zawr zawr vara chun.

HABAKKUK 3:4

A êngna chu var ang a na; A kuta inthawk chun varkêhai a hung suok a, A thilthawtheina inbîkna chu a um a nih.

MATTHAI 2:13

Chun, an fe hnungin, ngai ta, Lalpa vântirko Josef kuomah a mangah ân lâr a, “Tho la, nautê le a nu ṭhuoi la, Aigupta ramah tlân hmang rawh, ka hril nâwk hmakhat che chu chutaka chun um zing rawh; Herodin nautê sukbo dingin a zawng ding a nih,” a ta.

LUKA 2:9

Chun, Lalpa vântirko pakhat an kâwlah a hung ngîr a, Lalpa ropuinân an vêl chu a hung sun var a; chuongchun, an ṭi ta bêk bêk a.

LUKA 24:4

Chun, chuong leia an lunginzîng lai chun, ngai ta, mi pahni puon mi elkhal thei silin an kâwlah an hung ngîr a;

THILTHAWHAI 10:30

Chun, Korneli chun, “Ni li a ni tah, tu ang hunah hin, ka inah, chawhnung inher ṭawngṭainaah ka ṭawngṭai a; chun, ngai ta, mi pakhat puon vârtak silin ka hmaah a hung ngîr a,

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

THILTHAWHAI 12:6

Chun, Herod chun a ṭhuoi suok tâwmin, chu zân tak chun Peter chu sipai pahni inkârah khaidiet pahni bunin a in a, a vêngtuhai khawm kawtkhâr bulah an um a, intângna in chu an vêng a.

THILTHAWHAI 12:8

Vântirko chun a kuomah, “Dier kei la, i kekawk bun rawh,” a ta. Ama chun chuong ang chun a thaw a. Chun vântirko chun a kuomah, “I puon bât ṭha la, mi zui rawh,” a ta.

THILTHAWHAI 16:26

chun, kârlovin simkhawleihnuoi nasatakin a hung inhnîng a; chun, kawtkhâr po po chu ân hawng nghâl a, mi tin kawl bunhai chu a hung insût vawng ta a.

THILTHAWHAI 2:24

Kha mipa kha Pathienin thina khuopnahai chu a sûtpêk a, a keitho ta a; ama chu thina chel sawng ruol a ni naw leiin.

THILTHAWHAI 5:19

Nisienlakhawm, Lalpa vântirko pakhatin, kawtkhârhai chu a hung hawng a, a ṭhuoi suok ta a,

THILTHAWHAI 9:3

Chun, a fe laiin, Damaska a tlung tâwmin, kârlovin var vâna inthawkin a vêlah a hung var phut a.

EPHESI 5:14

suklanga um taphawt chu var a ni si a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

THUPUONGSUO 18:1

Chuong hnunga chun vântirko dang, thuneina nasatak neiin vâna inthawka hung ṭum ka hmu a; a ropuinain hnuoi chu a el ta vawng a.