THILTHAWHAI 12:5 - Pathien Lekhabu Inthieng (BSI)

⁵ Chuleiin, Peter chu intângna inah ân umtir hri a; nisienlakhawm, kohranhaiin ama ta dingin ṭhahnemngaitakin Pathien kuomah an ṭawngṭaipêk hlak a.

THILTHAWHAI 12:5 ပူးပေါင်းရင်းမြစ်များ

MATTHAI 18:19

“Titakzetin ka hril cheu hi, hnuoi chunga hin nangni laia mi pahni amanih an thil hni chunga an inthuruol chun, ka Pa vâna mi thawpêkin um an tih.

LUKA 18:1

Chun, beidawng lovin an ṭawngṭai rawp ding a nih ti, inhriettirna dingin an kuomah tekhithu a hril a;

THILTHAWHAI 12:12

Chun, ân ngaituo zo chun, Johan, Marka an ti, chu mipa nu Mari ina chun a va fe a; chutaka chun ṭawngṭaiin mi tamtak an lo um khâwm a.

THILTHAWHAI 12:4

chun, a man hnung chun intângna inah a khum a, sipai pâwl li, pali seng peiin, ân vêng sâwktir a; Fekân Ruoiṭhe zoa mi po po kuoma ṭhuoi suok a tum a na.

THILTHAWHAI 12:6

Chun, Herod chun a ṭhuoi suok tâwmin, chu zân tak chun Peter chu sipai pahni inkârah khaidiet pahni bunin a in a, a vêngtuhai khawm kawtkhâr bulah an um a, intângna in chu an vêng a.

1 KORINTH 12:26

Chuongchun, pêng khatin a tuor chun, pêng po poin an tuorpui hlak, pêng khat chawimawia a um chun, pêng po poin an lâwmpui hlak.

2 KORINTH 1:11

ṭawngṭaina tamtak dawnnaa malsâwmna kan dawnghai leiin mi tamtakin kan aia lâwmthu hrilna an nei theina dingin nangni khawma ṭawngṭainain mi ṭhangruolpui tlat ro.

1 THESSALONIKA 5:17

ma lovin ṭawngṭai unla,

HEBRAIHAI 13:3

Intânghai chu anni le khuopa um ve angin hre zing unla; rinum tuorhai chu taksaa um ve bawk in ni leiin hre zing ro.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.