THILTHAWHAI 12:23 - Pathien Lekhabu Inthieng (BSI)

²³ Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

THILTHAWHAI 12:23 ပူးပေါင်းရင်းမြစ်များ

2 LALHAI 19:35

Chuongchun, chu zân chun hieng ang hi a hung na, Lalpa vântirko chu ân thawk suok a, Assuria mihai riekhmuna chun mi nuoi khât le sîng riet le sâng nga a sukhlum a; chun, zîngkâra an hang tho chun, ngai ta, mithi ruong khât el a lo ni tah el a.

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

JOB LEKHABU (THE BOOK OF JOB) 19:26

Chuong anga ka vun chena sukbohmang a ni hnung khawm chun, Ka taksa ngei chun Pathien chu la hmûng ka tih.

JOB LEKHABU (THE BOOK OF JOB) 7:5

Ka taksa chu pilvut khâwnhai le n gêhaia thuomin a um a; Ka vun chu a hung inhlip a, a tharin a hung suok ta a.

INPÂKNA HLABU 115:1

Aw Lalpa, keini mi pe lovin, keini mi pe lovin, I hming chu ropuina pe lem rawh, I ngilneina le i thutak leiin.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien Lalpa chun hieng hin a tih: ‘Ka hmaa insiehnuoi ieng chen am i nuom naw ding a ni a? Ka rawng an bâwl theina dingin ka mihai chu infetir rawh.

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni si a; chun, Aigupta mihai pathienhai chunga khawm rorêlnahai intlungtir bawk ka tih, Lalpa chu ka ni hi!

FESUOKNA 12:23

Aigupta mihai chu hrem dingin Lalpa chu a fe thleng ding a ni si a; chun, kawtkhâr bieng pahni le kawtkhâr lu chung khangpheia thisen chu a hmu chun, Lalpa chun kawtkhâr chu fe kân a ta, in inhaia chun nangni sukhlum ding cheuin sukbohmangtu chu inhungtir naw nih.

FESUOKNA 12:29

Zânril lai takah Lalpa chun Aigupta rama nau lutîr po po, Pharao nau lutîr a lalṭhungphaa ṭhunga inthawka sal lung ina intâng nau lutîr chen le, ran ruol tê hmasatakhai chen chun a hung sukhlum ta vawng a.

FESUOKNA 9:17

Ka mihai chunga hin nang le nang inchawimawiin, anni chu i lân fetir naw rawp ding a ni maw?

THUVARHAI 12:8

Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

ISAI 14:11

I ropui bûr bûrna chu Seola ṭhuoi thlâk a ni tah, i perkhuong inri bur burhai leh; chawkchawnâl chu i hnuoiah ân pha a, thil ngêhai chun ân khum ta che a ni hi,’ tiin.

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 51:8

Hângthimin silfên a fâk siet vawng angin anni chu a fâk siet vawng ding a ni si a, a ngein sahmul a fâk angin anni chu a fâk ding a ni si a; ka felna ruok chu kumkhuoin um a tih, ka sandamna chu suon po po chenin um bawk a tih.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

EZEKIEL 28:2

“Mihriem naupa, Tura lal kuoma chun hril la, Lalpa Pathien chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuipuihai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni lovin;

EZEKIEL 28:9

Nangma sukhlumtu che hmaa chun, ‘Pathien chu ka nih,’ i la ti rawp ding am a nih? Mihriem chau i ni si a, Pathien ni lo, nangma inhliemtu che kuta chun.

THILTHAWHAI 12:22

Mi po po chun, “Pathien rawl a ni hi, mihriem rawl a ni naw hi,” an ta, an khêk a.

THILTHAWHAI 5:19

Nisienlakhawm, Lalpa vântirko pakhatin, kawtkhârhai chu a hung hawng a, a ṭhuoi suok ta a,

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhungin Pathien ang rauin intâr suong a tih.

1 SAMUEL 25:38

Chun, ni sâwm hnunga chun Lalpain Nabal chunga chun kut a thlâk a, a thi ta a.