THILTHAWHAI 11:26 - Pathien Lekhabu Inthieng (BSI)

²⁶ Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.

THILTHAWHAI 11:26 ပူးပေါင်းရင်းမြစ်များ

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa Pathien chun sukhlum a ti cheu a, chun, a siehlawhai chu hming dangin ko tâng a tih;

MATTHAI 28:19

“Chuongchun, fe unla, hnam tina mi inchûktirin siem unla, Pa le, Naupa le, Thlarau Inthieng hming chun baptist unla;

JOHAN 2:2

Isu le a închûktirhai khawm inneinaa chun an fiel a.

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

THILTHAWHAI 11:20

Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve ta a.

THILTHAWHAI 11:22

chun, an chanchin chu Jerusalema kohran umhai naa chun a hung lût ta a; chuongchun, Antiokei chen chun Barnaba chu an tir suok ta a.

THILTHAWHAI 11:27

Chun, chuong lai chun zâwlnei tuhai amanih Jerusalema inthawkin Antiokeia chun an zu fe a.

THILTHAWHAI 11:29

Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.

THILTHAWHAI 14:20

Nisienlakhawm, inchûktirhai chu a vêla an ngîr laiin, a hung tho a, khuoa chun a lût nâwk ta a. Chun, a zînga chun Barnaba leh Derbeah an fe ta a.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

THILTHAWHAI 14:23

Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

THILTHAWHAI 14:27

Chun, an tlung hnungin kohranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 14:28

Inchûktirhai lai chun sâwt rei an um ta a.

THILTHAWHAI 18:27

Chun, ama chun Akaia rama fe kai a tum phingleh unauhaiin an infui a, ama an lo lâwmna dingin inchûktirhai kuomah lekha an ziekpêk a. Chun, a tlung chun, Pathien lunginsietna leia ringtuhai chu nasatakin a ṭhangpui a.

THILTHAWHAI 19:9

Nisienlakhawm, a ṭhen chu an kawmaw a, an awi nuom naw a, mipui hmaah Lam thu chu an hrilsiet phingleh, ama chun anni a fe san a, inchûktirhai chu a kei hran a, ni tin Turanna inchûktirnaah a sêl hlak a.

THILTHAWHAI 20:1

Chun, buoina chu a re zo chun, Paulain inchûktirhai ân kotir a, ân fui a, ṭawng bauṭhain a ṭhe a, Makedonia rama fe dingin a suok ta a.

THILTHAWHAI 20:30

Nangni laia mi khawm, inchûktirhai an kuoma inkawptir dingin thu hran hril la hung um an tih.

THILTHAWHAI 21:4

Chun, inchûktirhai kan zawng suok a, chutaka chun ni sari kan châm a. Anni chun, Thlarau hrilin, Paula kuomah, Jerusalem sir lo ding an ta.

THILTHAWHAI 26:28

Chun, Agrippa chun Paula kuomah, “Sâwtnawtê chau mi thlêm a, Kristiena mi siem i tum a ni hi,” a ta.

THILTHAWHAI 6:1

Chun, chuong laia inchûktirhai an hung pung pei lai chun, an ni tin thil sema chun an hmeithaihai an ngaisak naw leiin Juda, Grik ṭawng hmanghai chu Juda, Hebrai ṭawng hmanghai chungah an lo chier ta a.

THILTHAWHAI 6:5

Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.

THILTHAWHAI 9:19

Chun, bu a fâk a, a har nâwk ta a. Chun, Damaskaa inchûktir umhai kuoma chun ni iengzat amanih a um a.

THILTHAWHAI 9:38

Chun, Ludda khuo chu Joppa khaw kâwl a ni leiin, inchûktirhai chun Peter chutaka chun a um ti an hriet a, “Sâwt riel lovin kan kuomah hung rawh,” tia ngên dingin a kuomah mi pahni an tir a.

1 KORINTH 11:18

A hmasatakin, kohran anga in inkhâwm chângin nangni lai inṭhena a um hlak ti thu ka lo hriet si a; iemani chenah ka ring deu bawk a nih.

1 KORINTH 12:12

Taksa hi pakhat a na, pêng tamtak a nei a, taksa pênghai po po chu tam hai sienkhawm taksa pumkhat an ni si a; Krista chu chuong ang bawk chu a nih.

1 KORINTH 14:23

Chuleiin, kohran po po inkhâwm unla, in rênga ṭawng hrietlohaia thu in hril chun a la hrenawhai amanih, awinawhai amani hung lût hai sienla, invêt an ti naw ding cheu am a nih?

1 KORINTH 4:17

Chuleichun, Timothe, Lalpaa ka nau dittak le ringum chu in kuomah ka hung tir a nih, ama chun Kristaa ka umdân ram tina kohran tina ka închûktir hlak ang hi inhriettir nâwk a ti cheu.

EPHESI 3:15

(Pa hnuoi le vâna sûngkuo tinrêng hming chawina chu);

JAKOB 2:7

Hming inzaumtak in put hi hrilsetuhai an ni naw am a nih?

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.

1 PETER 4:16

Amiruokchu, kristien a ni leiin tuor sienla, inzak naw raw se; chu hming lei chun Pathien chawimawi lem raw se.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.