THILTHAWHAI 11:24 - Pathien Lekhabu Inthieng (BSI)

²⁴ Barnaba chu mi ṭhatak, Thlarau Inthieng le ringnaa sip a nih. Chun, mi tamtakin Lalpa kuomah an belsa ta a.

THILTHAWHAI 11:24 ပူးပေါင်းရင်းမြစ်များ

2 SAMUEL 18:27

Chun, râl vêngtu chun, “A hmasa lem tlân dân chu Zadok naupa Ahimaaz tlân dân ni âwmtakin ka hriet,” a ta. Chun, lal chun, “Ama chu mi ṭhatak a na, chanchin ṭhatak a hung intlun ding nîng a tih,” a ta.

INPÂKNA HLABU 112:5

Mi lunginsieta inpûktir hlak mi chu ṭhatin a vur hlak a, Ama chu feltakin khawsâng a tih.

INPÂKNA HLABU 37:23

Lalpain mihriem chu a fena dingah a ṭhuoi hlak a, A kalchawi a ilâwm chu a sukdet hlak.

THUVARHAI 12:2

Mi ṭha chun Lalpa ditsakna hmûng a ta, Thiltum khawhlo nei mi ruok chu thiemnaw inchangtir a tih.

THUVARHAI 13:22

Mi ṭha chun a tuhai ta ding chenin rohluo ding a mâkpêk hlak a, Mi suol hausakna chu mi fel ta dinga siekhâwl chau a nih.

THUVARHAI 14:14

Lungrila hnungtawltu chu ama lampuihai ngeia suksip nîng a ta, Chun, mi ṭha chu amaa inthawk ngei chun suktlai nîng a tih.

MATTHAI 12:35

Mi ṭha chun a robâwm ṭhaa inthawkin thil ṭhahai a the dawk hlak, mi suol chun a robâwm siea inthawkin thil ṭha naw a the dawk hlak.

MATTHAI 19:17

Chun, ama chun a kuomah, “Thil ṭha thu iengdinga i mîn dawn? Ṭha chu pakhat chau a um, iengkhawm ni sienla, hringnaa lût i nuom chun thupêkhai chu zâwm rawh,” a ta.

LUKA 23:50

Chun, ngai ta, mi pakhat a hming Josef, rorêltu mi ṭhatak, feltak a um a,

JOHAN 7:12

A chungah mipuihai laia mi an chier sup sup a, a ṭhenin, “Mi ṭha a ni ie,” an ti a; ṭhenkhatin, “Teu lo e, mipui a hlêm lem hlak a nih,” an ta.

THILTHAWHAI 11:21

Chun, Lalpa kutin anni a ṭhangpui a; mi tamtakin an ring a, Lalpa tieng chu an ngha tâwl ta a.

THILTHAWHAI 2:4

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an hung ṭawng ta a.

THILTHAWHAI 2:47

Pathien an inpâk a, mi po po lâwmzâwngin an um hlak a. Chun, sandama hung um pei taphawthai chu, Lalpain ni tin an kuomah ân ṭhangsatir pei hlak a.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

THILTHAWHAI 5:14

Chun, a ring tharhai nuhmei le pasal tamtakin Lalpa kuoma chun an hung belsa nâwk zuol hlak a.

THILTHAWHAI 6:3

Chuongchun, unauhai, nangni laia varna le Thlaraua sip mi hming ṭha ruok pasari thlang ro; anni chu hieng thil rêltu ding hin siem ei tih.

THILTHAWHAI 6:5

Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.

THILTHAWHAI 6:8

Chun, Stephan chu zaidamna le thilthawtheinain a sip a, mi lai thilmak le inchikna ropuitak a thaw hlak a.

THILTHAWHAI 9:31

Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um ta a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:15

Nisienlakhawm, inhriettir nawn ding cheuin khâwlai lai hin amanih huoitakin ka ziek a nih: Pathienin a mi pêk lunginsietna lei hin Jentailhai laia Krista Isu rawngbâwltu ka nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:7

Mi fel ta dinga thi nuom mi an vâng hle âwm si a, mi ṭha ta ding ruok chun mi tûamani bêk chun thi a lo ngam khiet rawi mawh.