THILTHAWHAI 11:23 - Pathien Lekhabu Inthieng (BSI)

²³ Chun, ama chu a va tlung a, Pathien lunginsietzie chu a hmu chun a lâwm hle a; ṭhahnemngaitaka Lalpa chel zing dingin an rêngin ân fui ta a.

THILTHAWHAI 11:23 ပူးပေါင်းရင်းမြစ်များ

2 LALHAI 18:6

Lalpa chu a chel tlat a; ama a zui chu a ma nuom naw a, a thupêk Lalpain Mosie a pêkhai chu a zâwm a.

INPÂKNA HLABU 17:3

Ka lungril hi i fie a, zânah nangin i mi hung sir a; I mi fie ta a, iengkhawm i hmu si naw a; Ka baua hril suol lo chu ka tum tlat a nih.

THUVARHAI 23:15

Ka naupa, i lungril a var phawt chun, Ka lungril, keia ta ngei chu, lâwm a tih.

THUVARHAI 23:28

Anih, inru angin ân chân a, Mihai laia chun bawsietna chu a sukpung ta a.

DANIEL 1:8

Nisienlakhawm, Daniel chun a lungrilin lal bu fâk le a uoin dâwnhai chun ama chu insukpawrche lo a tum tlat a: chuongchun, mitillâkhai hotu kuoma chun ama chu ân sukpawrche naw theina ding kawng chu a hni a.

MATTHAI 16:24

Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

MARKA 2:5

Chuongchun, Isûn an ringzie chu a lo hmu a, mi zeng kuoma chun, “Naupa, i suolhai ngaidam a ni tah,” a ta.

JOHAN 15:4

Keimaah um zing ro, kei khawm nangniah um zing ka tih. Kâu chu grêp hruiah a um zing naw chun a khâtin a ra thei naw ang bawkin, nangni khawm keimaah in um zing naw chun ra thei naw ti niu.

THILTHAWHAI 13:43

Chun, inkhâwmhai chu an ṭin phingleh, Judahai le an saphun Pathien ngaisak laia mi tamtakin Paula le Barnaba chu an zui pei a; anni chun an lo biek a, Pathien lunginsietnaa chun um zing dingin an infui a.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

THILTHAWHAI 14:26

chutaka inthawk chun lawngin an suok a, Antiokei chu an hung tlung nâwk ta a, chu chu a thil thaw zo ta chu thaw dinga unauhaiin Pathien lunginsietna inkawltira an suokna kha a nih.

THILTHAWHAI 15:40

Paula ruok chun, Sila a thlang a, unauhaiin Lalpa lunginsietna an inkawltir hnungin a fe suok ta a.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 20:32

“Tuhin Pathien kuomah le a lunginsietna thuah kân kawltir cheu, chu chun a siem lien thei cheu a, mi inthienghai lai ro chan ân neitir thei bawk cheu a.

THILTHAWHAI 4:36

Chun, Josef, tirkohaiin Barnaba an ti chu, (chu hming umzie chu “Thlamuongna nau,” tina a nih), Levi chi, Kupra thlierkâra mi a na,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:8

mi infuitu khawma infui raw se; thil petu khawmin inro lovin pe raw se, rorêltu chun taimatakin ro rêl raw se; mi lunginsiettu khawmin lâwmtakin lunginsiet raw se.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

2 KORINTH 1:17

Chuongchun, chuong ang ka lungril lai khan kan lungril det nawzie inentir am ka nih? Annawleh, ka kuomah, “A nih, a nih,” ti le, “A ni nawh, a ni nawh,” ti chu um ve ve dingin, thil thaw ka tum hlak chu tisa angin am a ni ka tum?

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

DÂN PAHNINA 10:20

Lalpa in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 30:20

Lalpa in Pathien hmangaia, a râwl ngaia, ama cheltlatin, ama chu in hringna, in dam sâwtna a ni si a; chuongchun, in pu Abraham hai, Isak hai, Jakob hai inkhâma pêk a tiem rama chun in um ding annawm,” tiin.

KOLOSSA 1:6

Chu Chanchin Ṭha chu, khawvêl pumpuiah malsâwmna hung intlunin a pung pei a; chuong ang takin in kuoma khawm a hung tlung a; titakzeta Pathien lunginsietna chu ngaia in hriet ni chena inthawk khan chu nangnia khawm rain a pung pei a ni kha.

2 TIMOTHE 3:10

Nang ruok chun ka închûktirna dâm, ka um dân dâm, ka thiltum dâm, ka ringna dâm, ka dawtheina dâm, ka hmangaina dâm, ka selna dâm i hriet hle kha;

JOSUA 22:5

Lalpa siehlaw Mosiein Lalpa in Pathien chu hmangai a, a lampuihai po po chu hraw a, a thupêkhai chu pawm a, ama chu chel tlat a, in lungril po po le thlarau po poa a rawngbâwl tlat dinga thu a pêk cheu kha; chu thupêk le dân dâm chu fîmkhurtakin vawng ṭhat tum phawt el unla,” a ta.

JOSUA 23:8

vawisûn chena in la thaw zing ang hin, Lalpa in Pathien chu chel tlat lem hlak ro.

1 PETER 5:12

Ka unaupa ringumtaka ka iruot Silvan kuta hin, nangni infui le, chu chu Pathien lunginsietna tak tak a nih ti inhriettirin, tawitêin in kuomah ka ziek a nih; chuonga chun ngîr det ro.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.

3 JOHAN 1:4

Ka nauhai thutakah an um ti ka hriet nêka lâwmna nasa lem hrim ka nei nawh.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.