THILTHAWHAI 11:20 - Pathien Lekhabu Inthieng (BSI)

²⁰ Nisienlakhawm, anni laia a ṭhen chu Kupra thlierkâr le Kurinia mihai an na, chuonghai chu Antiokei an tlung chun Grikhai kuoma khawm, Lalpa Isu Chanchin Ṭha an hril ve ta a.

THILTHAWHAI 11:20 ပူးပေါင်းရင်းမြစ်များ

MATTHAI 27:32

Chun, an fe suok laiin Kurini khuoa mi, a hming Simon an hmu a; chu mipa chu a kraws put dingin an man a.

JOHAN 7:35

Chun, Judahai an inbiek a, “Ei hmu naw dingin hi mipa hi khâwlai am a fe ding a ni leh? Grikhai laia Inpêmdarhai laia fein Grikhai chu ân chûktir ding am nîng a ti?

THILTHAWHAI 11:19

Chun, Stephan leia an suknawmnata indarhai kha, Phoiniki ram dâm, Kupra thlierkâr dâm, Antiokei dâm chenin an fe a, Judahai kuoma chau naw chu tu kuoma khawm thu an hril naw a.

THILTHAWHAI 11:22

chun, an chanchin chu Jerusalema kohran umhai naa chun a hung lût ta a; chuongchun, Antiokei chen chun Barnaba chu an tir suok ta a.

THILTHAWHAI 11:26

Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.

THILTHAWHAI 11:27

Chun, chuong lai chun zâwlnei tuhai amanih Jerusalema inthawkin Antiokeia chun an zu fe a.

THILTHAWHAI 13:1

Chun, Antiokeia kohran lai chun thu hriltuhai le inchûktirhai an um; chuong chu Barnaba hai, Simeon Niger an ti hai, Kurini khuoa Lukia hai, lal Herod unau Manaina hai, Saula hai leh an nih.

THILTHAWHAI 14:26

chutaka inthawk chun lawngin an suok a, Antiokei chu an hung tlung nâwk ta a, chu chu a thil thaw zo ta chu thaw dinga unauhaiin Pathien lunginsietna inkawltira an suokna kha a nih.

THILTHAWHAI 15:22

Chun, tirkohai, upahai kohran po pohai le chun, an pâwla mi thlanga, Paula le Barnaba ruolin Antiokeia infetir ṭha an ti a; an ithlanghai hming chu Juda (Barsaba an ti) le, Sila an nih; anni chu unauhai laia hotu deu an nih.

THILTHAWHAI 15:23

Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 15:30

Chuongchun, an itir chun an fe a, Antiokei chu an zu tlung a. Mipui chu an ko khâwm a, lekha chu an pêk a.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 18:22

Chun, lawnga inthawk chu Kaisariah a suok a, Jerusalemah a hang fe a, kohranhai chu chibai a bûk a; chun, chu zoa chun, Antiokeiah a zu fe ta a.

THILTHAWHAI 2:10

Phrugia rama um dâm, Pamphulia rama um dâm, Aigupta rama um dâm, Kurini kâwl vêla Libu rama um ei na,

THILTHAWHAI 4:36

Chun, Josef, tirkohaiin Barnaba an ti chu, (chu hming umzie chu “Thlamuongna nau,” tina a nih), Levi chi, Kupra thlierkâra mi a na,

THILTHAWHAI 5:42

Chun, ni tin Pathien biekina le anni inahai, “Isu chu Krista a nih,” tiin inchûktir le hril an ma nawh.

THILTHAWHAI 6:1

Chun, chuong laia inchûktirhai an hung pung pei lai chun, an ni tin thil sema chun an hmeithaihai an ngaisak naw leiin Juda, Grik ṭawng hmanghai chu Juda, Hebrai ṭawng hmanghai chungah an lo chier ta a.

THILTHAWHAI 6:5

Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.

THILTHAWHAI 6:9

Nisienlakhawm, Sal suokhai, Kurinia mi dâm, Alexandra khuoa mi dâm, inkhâwmna an tia mi ṭhenkhat leh, Kiliki rama mi dâm, Asia ram mi inkhâwmna ina mi ṭhenkhathai an hung inthawk a, Stephan chu an hung sêl a.

THILTHAWHAI 8:35

Philip chun a hril a, chu Pathien Lekha Thu chu a bulah a ṭan a, a kuomah Isu thu a hril a.

THILTHAWHAI 8:5

Chun, Philip chu Samari khuoah a zu fe a, an kuomah Krista thu a khêk pui a.

THILTHAWHAI 9:20

Inkhâwmna inhaia chun Isu chu Pathien Naupa a nizie thu a khêkpui nghâl ta a.

THILTHAWHAI 9:29

Chun, Grik ṭawng hmang Judahai lai thu a hril a, a sêl a; anni ruok chun ama chu sukhlum an tum a.

1 KORINTH 2:2

Isu Krista ama ngei hemdea a um thu chau naw chu nangni lai ieng dang khawm hriet ka tum nawh kha.

GALATI 2:11

Chun, Kipha chu Antiokeia a hung laiin demumtaka a um leiin, a hmai san ngeiah ka kal a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,