THILTHAWHAI 11:12 - Pathien Lekhabu Inthieng (BSI)

¹² “Chun, Thlarauin lunghimawna nei lova anni zui dingin a mi tir a. Hieng unau parukhai khawm hin an mi zui ve a, mi ina chun kan lût a.

THILTHAWHAI 11:12 ပူးပေါင်းရင်းမြစ်များ

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

THILTHAWHAI 10:23

Chuongchun, mihai chu a ko lût a, ân riek tir ta a. A zînga chun Peter chu a tho a, an kuomah a fe a, Joppa khuoa mi unau tuhai amani khawm anni leh an fe ve a.

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 11:13

Chun, ama chun kan kuomah, a ina vântirko ngîr a hmuzie le, vântirko chun a kuomah, ‘Joppa khuoah mi tir la, Simon, Peter an ti chu, hung inṭhuoitir rawh;

THILTHAWHAI 13:2

Chun, Lalpa rawng an bâwl a, bu an nghei laiin, Thlarau Inthiengin, “Barnaba le Saula hi anni ka ruot ang san thaw dingin mi suktumpêk ro,” a ta.

THILTHAWHAI 13:4

Chuongchun, Thlarau Inthieng tir suok chun an fe ta a, Selukai khuoah an fe thla a, chutaka inthawkin Kupra thlierkârah lâwngin an fe a.

THILTHAWHAI 15:7

Chun, an insêl rak hnungin Peter a tho a, an kuomah, “Unauhai, Jentailhaiin keia baua Chanchin Ṭha thu hrea awi dingin, Pathienin inhmaa nangni laia inthawka a mi ruotzie kha in hriet.

THILTHAWHAI 15:9

chun, anni le eini thlier bîk lovin, ringnain an lungril a sukthieng ta a.

THILTHAWHAI 28:15

Chun, unauhaiin kan chanchin an hriet phingleh chutaka inthawk chun Appia Dâwr le Khuolbûk pathum chenah mi tuok dingin an hung a; anni chu a hmu chun Pathien kuomah Paulain lâwmthu a hril a, ân sukhuoi ta a.

THILTHAWHAI 8:29

Chun, Thlarau chun Philip kuomah, “Saw tawlailîr saw va hnai la, va pâwl rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

2 THESSALONIKA 2:2

“Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekhathawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

THUPUONGSUO 22:17

Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.