THILTHAWHAI 10:43 - Pathien Lekhabu Inthieng (BSI)

⁴³ “Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

THILTHAWHAI 10:43 ပူးပေါင်းရင်းမြစ်များ

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 13:1

“Chu ni chun inthieng nawna le suolnaa dingin, David sûngkuo le Jerusalema chêngtuhai ta dingin tuikhur hawngpêk nîng a tih,”

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MARKA 16:16

Awia, baptisma chang chu sandamin um an tih; a awi naw ruok chu thiemnaw changin um an tih.

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 5:24

“Titakzetin, titakzetin ka hril cheu hi, tûkhawm ka thu hrea a mi tirtu ring chun chatuona hringna a nei tah, inthiemlovin a um naw a, thinaa inthawkin a suok a, hringnaah a lût lem ta a nih.

THILTHAWHAI 15:9

chun, anni le eini thlier bîk lovin, ringnain an lungril a sukthieng ta a.

THILTHAWHAI 2:38

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

THILTHAWHAI 26:22

Nisienlakhawm, Pathiena inthawka ṭhangpuina ka hmu leiin vawisûn chenin mi chînhai le mi lienhai kuomah thu inhriettirin ka la um zing a, zâwlneihai le Mosiein hung tlung ding an ti thu chau naw chu thu dang hril lovin;

THILTHAWHAI 3:16

Chun, ama hming ring leiin, a hming chun hi mipa in hmu le in hriet hlak hi a sukhrât tah a nih; anih, ama leia ringna hung um hin, in rênga mithmuah a sukdam var tah a ni hi.

THILTHAWHAI 3:18

Nisienlakhawm, Pathienin zâwlnei po po bauah, Krista chun rinum a tuor ding thu ân hriettir lâwk kha; khâng ang khan ân tlungtir ta lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:11

Pathien Lekha Thuin, “Tûkhawm ama ring taphawt chu muolpho naw ni hai,” a ti a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:21

Nisienlakhawm, tuhin Dân ṭhang lova Pathien felna chu suklangin a um tah; Dân le zâwlneihai thu khawma a hril kha a nih;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:23

Suol man chu thina a ni si a; Pathien thilthlâwnpêk ruok chu ei Lalpa Krista Isu zârah chatuona hringna a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:1

Chuongchun, tuhin chu Krista Isua umhai ta ding chun thiemnaw inchangtirna hrim a um ta nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:34

Tuin am thiemnaw inchangtir a ti leh? A thi chu Isu Krista chu a ni si a, anih, mithi laia inthawka tho nâwk ta lem a, Pathien changtienga uma a mi hrilpêktu bawk kha a nih.

GALATI 3:22

Nisienlakhawm, Isu Krista ring leia thiltiem chu ringtuhai kuoma pêk a ni theina dingin, Pathien Lekha thu chun suol hnuoiah iengkim a khârkhip ta vawng a.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

KOLOSSA 1:14

amaa chun ei intlanna ei hmu a nih-ei suolhai ngaidamna chu

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hrietlâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.