THILTHAWHAI 10:23 - Pathien Lekhabu Inthieng (BSI)

²³ Chuongchun, mihai chu a ko lût a, ân riek tir ta a. A zînga chun Peter chu a tho a, an kuomah a fe a, Joppa khuoa mi unau tuhai amani khawm anni leh an fe ve a.

THILTHAWHAI 10:23 ပူးပေါင်းရင်းမြစ်များ

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

THILTHAWHAI 1:15

Chun, chu ni chun unauhai lai Peter a ngîr a, (an rêng chun za le sâwmhni lai an nih),

THILTHAWHAI 10:29

Chuleiin, in mi hung ko phingle khan sêl lovin ka hung a ni hi. Chuongchun, kân dawn cheu, ieng am a na in mi hung ko san?” a ta.

THILTHAWHAI 10:33

Chuleiin, i kuomah mi ka hung tir nghâl tah a nih; i hung hi a ṭha ie. Chuongchun, Lalpain thu a pêk taphawt che hre dingin tuhin Pathien mithmuin kan rêngin hitaka hin kan um a ni hi,” a ta.

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 11:12

“Chun, Thlarauin lunghimawna nei lova anni zui dingin a mi tir a. Hieng unau parukhai khawm hin an mi zui ve a, mi ina chun kan lût a.

THILTHAWHAI 28:15

Chun, unauhaiin kan chanchin an hriet phingleh chutaka inthawk chun Appia Dâwr le Khuolbûk pathum chenah mi tuok dingin an hung a; anni chu a hmu chun Pathien kuomah Paulain lâwmthu a hril a, ân sukhuoi ta a.

THILTHAWHAI 9:36

Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hle a.

THILTHAWHAI 9:38

Chun, Ludda khuo chu Joppa khaw kâwl a ni leiin, inchûktirhai chun Peter chutaka chun a um ti an hriet a, “Sâwt riel lovin kan kuomah hung rawh,” tia ngên dingin a kuomah mi pahni an tir a.

THILTHAWHAI 9:42

Chun, chu chu Joppa khuo po po chun an hriet ta vawng a; mi tamtakin Lalpa chu an ring ta a.

2 KORINTH 8:21

Lalpa ngai chau ni lovin, mihriem ngai khawma thil mawi kan ngaituo bawk hlak a nih.

HEBRAIHAI 13:2

Mikhuolhai chunga hmangai insuo theinghil naw ro; chuong anga thawin mi ṭhenkhatin hre lovin vântirkohai an lo intlungtir si a.

1 PETER 4:9

Chier lovin intlung tuo unla,