THILTHAWHAI 1:9 - Pathien Lekhabu Inthieng (BSI)

⁹ Chun, chuong thu chu a hril zoin an hmu zing pumin, vân tienga ṭhuoiin a um a; chun, sûmin an hmu phâk nawah a ṭhuoi hmang ta a.

THILTHAWHAI 1:9 ပူးပေါင်းရင်းမြစ်များ

INPÂKNA HLABU 68:18

Nang chu chungtieng i hang fe a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, Lalpa Pathien chu an kuoma a um theina dingin.

FESUOKNA 19:9

Lalpa chun Mosie kuomah, “Ngai ta, i kuoma thu ka hril lai an hriet theina ding le, kumkhuoa an ring zing theina ding chein, sûm sâmup lai i kuomah hung ka tih,” a ti a. Mosie chun mipui thuhai chu Lalpa chu a hril a.

FESUOKNA 34:5

Lalpa chu sûma chun a hung thla a, ama kâwla chun a hung ngîr a, Lalpa hming chu a puong ta a.

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

DANIEL 7:13

Zâna thil hmulâwkhai ka hmu a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um ta a, Pathien changtieng a hang ṭhung ta a.

LUKA 21:27

Chu pha chun Mihriem Naupa hi thilthawtheina leh, ropuina nasatak leh sûm laia hung hmûng an tih.

JOHAN 6:62

Mihriem Naupa hi inhmaa a umna ngaia hang lâwna in hmu chun ieng am lâwng in ta?

THILTHAWHAI 1:11

Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

THILTHAWHAI 1:2

Thlarau Inthieng ṭhangpuia a tirko thlanghai kuoma thu a tiem zoa, vân tienga ṭhuoia a um ni chena thu kha.

1 THESSALONIKA 4:17

Chu hnunga chun eini dama lo la um zinghai hi boruokah Lalpa tuok dingin annihai ruolin sûm laiahai khin zuk lâkin um ei tih; chuongchun, Lalpa kuomah kumkhuoin um tâng ei tih.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 11:12

Chun, an kuomah, “Hitaka hin hung ro,” tiin vâna inthawkin râwl inringtak an hriet a. Chuongchun, sûm lai chun vânah an hang fe ta a; an hmêlmahai chun an hmu zing a.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.