THILTHAWHAI 1:8 - Pathien Lekhabu Inthieng (BSI)

⁸ Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 1:8 ပူးပေါင်းရင်းမြစ်များ

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 98:3

Israel sûnghai chunga a ngilneizie le, a ringumzie chu a hriet zing a, Kâwlkawdawnga mi po po khawmin ei Pathien sandamna chu an hmu tah.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, Lalpa chawimawiin hla thar sak unla, leihnuoi tâwpa inthawk khawma ama inpâkna hla sak ro.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

MIKA 3:8

Nisienlakhawm, Jakobhai kuoma an bawsietna inhriettir dingin le, Israelhai kuoma an suolna inhriettir dingin Lalpa thlarau leia thilthawtheina dâm, rorêlna dâm le hrâtna dâm chun ka sip takzet a nih.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

MATTHAI 24:14

“Chun, hi Ram Chanchin Ṭha hi hnam po poin an hrietna dingin khawvêl po poah hrilin um a tih; chu zoa chun tâwpna chu la tlung a tih.

MATTHAI 28:19

“Chuongchun, fe unla, hnam tina mi inchûktirin siem unla, Pa le, Naupa le, Thlarau Inthieng hming chun baptist unla;

MARKA 16:15

Chun, an kuomah, “Khawvêl po poah fe unla, thilsiemhai po po kuomah Chanchin Ṭha hi hril ro.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

LUKA 10:19

Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.

LUKA 24:29

Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût ta a.

JOHAN 15:27

nangni khawmin inhriettir bawk in tih, a tîra inthawk ka kuoma in um leiin.

THILTHAWHAI 1:22

Johan Baptisma chena inthawka ei kuoma inthawka vâna ṭhuoia a um ni chen kha hieng a mi pâwl hlakhai laia mi pakhat, a thonâwkna mi hrietpuitu dingin a um ding a nih,” a ta.

THILTHAWHAI 1:5

“Johan khan tuiin a baptis hlak a, nisienlakhawm, ni sâwtnawtêah Thlarau Inthiengin baptisma chang in tih,” a ta.

THILTHAWHAI 13:31

Chun, Galili rama inthawka Jerusalema ama ruola hang fe vehai kuoma chun ni sâwt tak sûngin ân lâr hlak a; chuong mihai chu tuhin mi kuoma a thu hretuhai an nih.

THILTHAWHAI 2:32

Chu Isu chu Pathienin a keitho nâwk ta hrim a, chu chu kan rêng hin a hretu kan nih.

THILTHAWHAI 22:15

I hmu le i hriet thua khan mi po po kuomah ama thu hretu nîng i tih.

THILTHAWHAI 3:15

Hringna Siemtu chu in that a; nisienlakhawm, Pathienin ama chu mithi laia inthawkin a keitho nâwk tah; chu chu a hretuhai kan nih.

THILTHAWHAI 4:33

Chun, tirkohai chun awiumtakin Lal Isu thonâwk thu an inhriettir hlak a, an rênga chungah lunginsietna nasatak a um a.

THILTHAWHAI 5:32

Chuong thu chu, a hretuhai kan ni hi, Thlarau Inthieng, Pathienin a thu zâwm taphawthai kuoma a pêk kha, a hretu a ni ve bawk a,” an ta, an dawn a.

THILTHAWHAI 6:8

Chun, Stephan chu zaidamna le thilthawtheinain a sip a, mi lai thilmak le inchikna ropuitak a thaw hlak a.

THILTHAWHAI 8:1

Chu ni chun, kohran Jerusalema umhai chu mîn nasatakin an suknawmna ṭan ta a; chuongchun, tirkohai bak naw chu Judai le Samari ram khaw tinah an indar ta vawng a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:18

Anleh, an nain an hriet naw am a nih? Hre e le! “An ri chu ram tinah ân thang a, An thu chu kâwlkawdawng chenin ân thang suok tah.”

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:19

inchiknahai, thilmakhai, thilthawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chenin, Krista Chanchin Ṭha chu ram tinah ka hril kim ta a;

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.