THILTHAWHAI 1:5 - Pathien Lekhabu Inthieng (BSI)

⁵ “Johan khan tuiin a baptis hlak a, nisienlakhawm, ni sâwtnawtêah Thlarau Inthiengin baptisma chang in tih,” a ta.

THILTHAWHAI 1:5 ပူးပေါင်းရင်းမြစ်များ

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

MATTHAI 3:11

Kei chun chu simna dingin tuiin ka baptis hlak cheu a; nisienlakhawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

MATTHAI 3:6

an suolhai thupha chawiin Jordan vadungah ama kuomah Baptisma an chang tâwl a.

MARKA 1:8

Kei chun tuiin ka baptis hlak cheu a; ama ruok chun chu Thlarau Inthiengin a baptis ding cheu a nih,” tiin a hril a.

LUKA 3:16

Johan chun a dawn a, an rênga kuomah, “Kei chun chu tuiin ka baptis hlak cheu a; nisienlakhawm, keia nêka ropui lem a hung ding a nih, a kekawk hrui sût tlâk khawm ka ni nawh; ama chun Thlarau Inthieng le meiin baptis a ti cheu a,

JOHAN 1:26

Chun, Johan chun an kuomah, “Keiin tuiin ka baptis hlak, nangni lai in hriet naw mi pakhat a ngîr a nih,

JOHAN 1:31

Ama chu ka lo hriet si nawh; nisienlakhawm, Israelhai kuoma a hung inlangna dingin, tuia baptis-in ka hung a nih,” a ta.

JOHAN 1:33

Ama chu ka hriet si naw a, nisienlakhawm, tuia baptis dinga a mi tirtu khan ka kuomah, ‘Tû chunga khawm Thlarau zu fua, a chunga um zing i hmu chun, ama chu Thlarau Inthienga baptistu ding chu nîng a tih,’ a ti a.

THILTHAWHAI 10:45

Chun, Sertanhai laia ringtuhai Peter hung zuituhai chun Thlarau Inthieng pêk chu Jentailhai chunga khawm buok a ni leiin mak an ti hle a;

THILTHAWHAI 19:4

Chun, Paula chun, “Johan khan chu mi kuomah, ‘Ka hnunga hung ding, (Isu chu) in la ring ding a nih,’ tiin simna baptismain a baptis hlak a ni kha,” a ta.

1 KORINTH 12:13

Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah baptisin ei um seng si a. Thlarau pakhat chau bawk a mîn dâwntir bawk a.

TITA 3:5

thil feltaka thaw, eini ngeia thawhai chu, chu lei chun ni lovin, Thlarau Inthieng siem tharna sâwpna le siem ṭhat nâwkna chun, a lunginsietna chun a mi sandam tah.