THILTHAWHAI 1:3 - Pathien Lekhabu Inthieng (BSI)

³ Chu tirkohai kuoma chun rinum chu a tuor hnungin inhriettirna tamtakin hringin ân entir a, ni sâwmli zet an kuomah ân lâr a, Pathien ram thu a hril hlak.

THILTHAWHAI 1:3 ပူးပေါင်းရင်းမြစ်များ

1 LALHAI 19:8

Chun, a tho a, a fâkin a dâwn a, chuongchun, chu bu lei chun Pathien tlâng Horeb chenin ni sâwmli le zân sâwmli a fe a.

MATTHAI 21:43

“Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

MATTHAI 28:9

Chun, ngai ta, Isûn anni chu ân tuokpui a, “Chibai” a ti tâwl a. Chuongchun, anni chun a ke chu an va chel a, chibai an bûk a.

MATTHAI 3:2

“Sim ro, vân ram chu a hnai tah,” tiin.

MATTHAI 4:2

Chun, ni sâwmli le zân sâwmli a nghei hnungin a phîng a hung ṭâm ta a.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um ta a, Pathien changtieng a hang ṭhung ta a.

JOHAN 20:26

Chun, ni riet hnungah, a inchûktirhai chu in sûngah an um nâwk a, Thoma khawm an kuomah a um ve a. Chun, Isu a hung a, kawthai chu khâr a ni si a, anni lai a hung ngîr ta a, an kuomah, “In chungah thlamuongna um raw se,” a ta.

JOHAN 21:1

Chun chu hnunga chun, Tiberi dîlah Isu a inchûktirhai kuomah ân lâr nâwk a; hieng ang hin ân lâr;

JOHAN 21:14

Chu chu Isu mithi laia inthawka a thonâwk hnunga a închûktirhai kuoma ân lâr a vawi thumna a nih.

THILTHAWHAI 13:31

Chun, Galili rama inthawka Jerusalema ama ruola hang fe vehai kuoma chun ni sâwt tak sûngin ân lâr hlak a; chuong mihai chu tuhin mi kuoma a thu hretuhai an nih.

THILTHAWHAI 19:8

Chun, Paula chu inkhâwmna inah a lût hlak a, thla thum lai huoitakin thu a hril a, Pathien ram kawng thua chun a sêl a, mi ân hmin hlak a.

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

THILTHAWHAI 28:31

Pathien ram thu a hril a, Lal Isu Krista thu khawm huoitakin ân chûktir hlak, tukhawmin ama an khap si naw a.

THILTHAWHAI 8:12

Nisienlakhawm, anni chun Pathien ram chanchin ṭha le Isu Krista hming Chanchin Ṭha Philip hril chu an âwi phingleh, a nuhmei a pasalin baptisma an chang ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

DÂN PAHNINA 9:18

Chun, kha hmaa ka thaw ang khan ni sâwmli le zân sâwmli Lalpa hmaah ka bawkkhup a; Lalpa mithmua in suolna po po le a lung insuksenna dinga Lalpa mithmuah thil suol in thaw leiin bei khawm ka fâk naw a, tui khawm ka dâwn bawk nawh.

DÂN PAHNINA 9:9

Lungphêk, in kuoma Lalpain thu a thlungna lungphêk la dinga tlânga ka hang fe lai khan ni sâwmli le zân sâwmli tlânga chun ka hang um a; bei khawm ka fâk naw a, tui khawm ka dâwn bawk nawh.

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

1 JOHAN 1:1

Hringna Thu a tîra inthawka um kha, kan nâhaiin kan ihriet kha, kan mithaiin kan ihmu kha, kan en zinga kan kuthaia kan them kha, chu chu chanchin chu;