ṬAP HLA 5:6 - Pathien Lekhabu Inthieng (BSI)

⁶ Kut chu Aigupta mihai kuomah kan daw a, Assuria mihai kuoma leh, beia suktlai dingin.

ṬAP HLA 5:6 ပူးပေါင်းရင်းမြစ်များ

INṬANNA 24:2

Chun, Abraham chun a siehlaw, a in sûnga upa tak, a nei po po chunga thuneitu kuoma chun, “Lunginsiettakin i kut kha ka elpui hnuoiah rawl rawh;

2 LALHAI 10:15

Chun, chutaka inthawka a suok hnung chun Rekab naupa Jehonadab, ama tuok dinga hung a va hmu a; chuongchun, chibai a bûk a, a kuomah, “I chunga lungril indik ka put ang hin lungril indik i put ve am chu?” a ta. Jehonadab chun, “Put e,” tiin a dawn a. “Anleh i kut mi hang pe ta,” a ta. Chuongchun, a kut chu a hang pêk a; chun, ama chun a kuomah a tawlailîr sûngah a kei lût ta a.

ISAI 57:9

Chun, hriek leh lal kuomah i fe a, i riminhnikhai chu i thaw nasa zuol a, i palaihai chu hlatakah i tir a, Seol tlung rakin în sukhnuoi kha.

JEREMIA 2:18

Chuongchun, tuhin, Aigupta fena lampuia chun Sihor tuihai chu dâwn dingin ieng am thâwng i ta? Annawleh, Assuria fêna lampuia Vadungpui tuihai chu dâwn dingin ieng am thâwng i ta?

JEREMIA 2:36

I lampuihai chu thleng dingin ieng dinga în vâkvêl ruoi am a na? Assuriain a sukmuolpho che ang bawkin Aigupta khawma la hung sukmuolpho a ti che.

JEREMIA 50:15

A vêlin ama chu khêkkhum unla; ama chu a hung inpêklût ta a, a kulhai chu a chim a, a banghai chu sukchim an na. Lalpa phubalâkna a ni si a; ama chunga chun phuba la unla, amain a lo thaw ta ang khan a chunga khawm thaw ve ro.

ṬAP HLA 4:17

Ei ṭhangpuina thlâwn ennain ei mithai a kham zo a, Ei nghâknaa chun hnam sandam thei lo ding chu ei nghâk a.

EZEKIEL 17:18

Thuthlung chu bawsein, inkhâmna chu a lo pêk ta a, amiruokchu, hieng thilhai po po hi a la thaw ta rawp si a; pumpel naw hrim hrim a tih.

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

HOSEA 5:13

Ephraim chun a natna a hmu a, Juda chun a hliem a hmu a, Chuongchun, Ephraim chu Assuria kuomah a fe a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

HOSEA 9:3

Lalpa rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.