ṬAP HLA 5:5 - Pathien Lekhabu Inthieng (BSI)

⁵ A mi hnawttuhai chun kan rîngah an mi man a; Kan sâwl hle a, châwl kan hmu nawh.

ṬAP HLA 5:5 ပူးပေါင်းရင်းမြစ်များ

JEREMIA 27:2

“Lalpa chun ka kuoma chun hieng hin a tih: Rîngkawlhai le a hnamhai i ta dingin siem la, i rînga chun bât rawh;

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, Lalpa chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 28:14

Israel Pathien, sipaihai Lalpa chun hieng hin a tih: Babulon lal Nebukadnezzar rawng chu an bâwl theina dingin hieng hnam po pohai rînga hin thîr rîngkawl chu kân kawltir tah a nih; ama rawng chu bâwl an ta, ramhnuoia ram sahai chenin ama chu ka pêk tah a nih,” tiin.

JEREMIA 51:58

Babulon kulbang lientakhai khawm chu sukchim nîng an ta, a dai kawtkhârhai chu meia raw nîng an ta, a mipuihai chu a thlâwn elin inrim an ta, hnamhai khawm chu mei leiin inrim an ta, sipaihai Lalpa chun a tih”tiin.

ṬAP HLA 1:14

Ka bawsietnahai chu rîngkawlah a khitde a, Ama kuthai ngeiin a khit têl a; Ka rîngah ân bâttir a, ka hrâtna a châu ta a, Ka ido zo lohai kutah Lalpa chun a mi pêk ta a.

ṬAP HLA 1:3

Sukrinumna le sal nina nasatakah Juda chu salin a fe ta a, Awi naw mihai laia chun a khawsa a, châwl hrim a hmu nawh; Ama sukrimsituhai po po chun hmun inchêptakah an nangchîng a.

ṬAP HLA 4:19

Eini mi hnawttuhai chu vâna mupui nêkin an hrât lem a, Tlânghai chunga chun an mi hnawt a, thlalêra chun eini an mîn chân a.

MIKA 2:3

Chuleiin, Lalpain hieng ang hin a tih: Ngai ta, hi sûngkaw chunga hin thil ṭha naw ka suongtuo a nih; chutaka inthawk chun in rîng la hmang naw ti niu a, chapotakin fe ta naw bawk in tih; hun ṭha naw a ni ding a ni si a.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

THILTHAWHAI 15:10

Chuongchun, ei thlatuhai le eini izo ta naw, rîngkawl kha inchûktirhai chungah tuhin innghat tumin iengdinga Pathien var in sêlkal am a na?

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.