ṬAP HLA 4:9 - Pathien Lekhabu Inthieng (BSI)

⁹ Kawlhnâma thata umhai chu phîngṭâmnaa thata umhai nêkin an hamṭha lem a, Lo thlairahai tlâksamnaa vuoka umin, hieng hai hi an luong hmang si a.

ṬAP HLA 4:9 ပူးပေါင်းရင်းမြစ်များ

2 LALHAI 25:3

Thla lina, ni kuo ni chun khuo chu an ṭâm ta êm êm el a, chutaka mihai ta ding chun fâk ding hrim hrim a um ta naw a.

FESUOKNA 16:3

Israel mihai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan Lalpa kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an ti a.

ISAI 22:2

Aw khêk ria sip, khawpui sa mur mur, khaw hlimtak, i sûnga an thathai chu kâwlhnâma that an ni naw a, indonaa thi an ni bawk nawh.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

EZEKIEL 24:23

In lu haia chun in lukâwmhai chu kâwm in ta, in kekawkhai chu in kehai chun bun in ta; ṭap naw ti niu a, sûn bawk naw ti niu; amiruokchu, in suolnaa chun riral lem in ta, insûntuo lem in tih.

EZEKIEL 33:10

“Chun, nang mihriem naupa, Israel sûngkuo kuoma chun hieng hin hril rawh, ‘Hieng ang hin in ti a; Ei bâwsietnahai le ei suolnahai chu ei chungah a um a, annia chun ei riral hmang a ni hi, iengtin am hring ei ta?’ tiin.

EZEKIEL 4:16

Chu nawa chun, ka kuoma chun, “Mihriem naupa, ngai ta, beia Jerusalem châwmna chu suktâwp ka ta, bei chu inkhia inkhiin fâng an ta, fîmkhurtak elin; chun, tui khawm maktitakin, inkhia inkhiin dâwn bawk an tih;

EZEKIEL 7:15

“Kâwlhnâm chu puotieng a um a, ṭâmna le hripui chu sungtienga chun a um a; loa um chu kâwlhnâmah thîng a ta, khawpui sûnga um chu hripui le ṭâmna chun fa zo a tih.

LEVI DÂN 26:39

Chun, nangni laia mi la umsunhai chu in hmêlmahai ramah an rîtlona leiin rêm tiel tiel an ta; an pi le puhai chun an rîtlona an rêm pha angin, anni khawmin rêm pha bawk an tih.

DÂN PAHNINA 28:51

“Chun, in ran ruol punghai, in hnuoi rahai dâm, sukram in ni hmakhat chu fâng an ta, bu dâm, uoin dâm, hriek dâm, in bâwng punghai dâm, in berâm ruol têhai chu hlapêk naw ni hai cheu; in siet letdêr chenin.