ṬAP HLA 4:6 - Pathien Lekhabu Inthieng (BSI)

⁶ Ka mihai naunu rîtlona chu Sodom suolna nêkin a nasa lem si a; Chu chu mitkhapkâr loa peihâwnin a um a, a chunga chun kut hrim innghat a ni nawh.

ṬAP HLA 4:6 ပူးပေါင်းရင်းမြစ်များ

INṬANNA 19:24

Chun, Lalpa chun Sodom le Gomorra chunga chun vâna Lalpa kuoma inthawk kât le mei ân sûrtir a;

INṬANNA 19:25

chuongchun, chuong khuohai chu, phaizâwl po po, khuoa mi po pohai le, hnuoia thil mâwnghai le chun a sukbohmang ta vawng a.

ISAI 24:2

Chun, vântlâng chunga a um angin, thiempu chunga khawm um a ta, suokpa chunga a um angin a pu chunga khawm um a tih; suoknu chunga a um angin a pi chungah um a ta; inchawtu chunga a um angin a zawrtu chunga khawm um a tih; inpûktirtu chunga a um angin a pûktu chunga khawm um a tih; a pung hnawta inpûktirtu chunga a um angin a kuoma a pung petu chunga khawm um a tih.

JEREMIA 20:16

Chun, chu mi Lalpain khawpuihai insîrna nei lova a sukchimhai ang chu ni raw se; zîngtieng chun khêkri inhriettir la, sûn huna chun ṭitrâwl inhriettir bawk la;

JEREMIA 23:14

Jerusalema zâwlneihaia khawm thil râpthlâktak ka hmu a; anni chun uiretna thil an thaw a, thukhêlah an fe a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

ṬAP HLA 4:9

Kawlhnâma thata umhai chu phîngṭâmnaa thata umhai nêkin an hamṭha lem a, Lo thlairahai tlâksamnaa vuoka umin, hieng hai hi an luong hmang si a.

DANIEL 8:25

A remruot dân hmangin a kuta chun vervêkna chu inhlawtlingtir a ta; a lungrila chun ama le ama chu inchawimawi a tih; chun, an inring naw kârin mi tamtak chu suksieng a ta, lalhai lal chungah ngîrsuok bawk a ta, nisienlakhawm, kut lova suksiet nîng a tih.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

MATTHAI 24:21

chu phâ chun rinumna nasatak a um ding a ni si a; chuong ang hrim hrima nasa chu leihnuoi insieng tira inthawkin tu chen hin a la um ngai naw a, um khawm iengtika khawm um nâwk ta bawk naw ni.

LUKA 10:12

Ka ti cheu hi, chu nia chun chu khuohai tuor nêk chun Sodom khaw tuor ding chu a zie um lem a tih.

LUKA 12:47

Suok a pu dit zâwng hre zing sia, lo inring lova, a pu dit zâwng ang khawma thaw lo chu, vawi tamtak vuong an tih.