ṬAP HLA 4:1 - Pathien Lekhabu Inthieng (BSI)

¹ Rângkachak chu a vân thim ta de! Rângkachak inthieng khawm chu a va danglam ta de! Hmun inthieng lunghai chu kawtthlêr tâwp tina chun bunthlâkin a um a.

ṬAP HLA 4:1 ပူးပေါင်းရင်းမြစ်များ

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 14:12

“Aw sikhawvar, zîngkâr naupa, iengtiziea vâna inthawka tla am i ni ta leh? hnam tin sukthlutu, iengtiziea hnuoia sât thlâka um am i ni ta leh?

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

ṬAP HLA 2:19

Tho la, vêng ṭantirna huna chun, zânah khêk rawh; Lalpa hmaihmaa chun i lungril chu tui angin bunthla la, I nau le têhai hringna dingin ama tienga chun i kuthai phar rawh, Chuong kawtthlêr tâwp tina phîngṭâma châuhai ta ding chun.

EZEKIEL 22:18

“Mihriem naupa, Israel sûngkuo hi ka ta dingin êksie an ni tah; pûm meia chun an rêng chun darsen dâm, rângva dâm, thîr dâm, suon dâm an na; tangkaraw êksie chu an nih.

MIKA 1:6

Chuleiin, Samaria chu phûla thil se um khâwm angin siem ka ta, grêp huon hmun ang elin; chun, chu hmuna lunghai chu vadung ruom tieng inhlum thlâng ka ta, a lungphûmhai chu suklang ka tih.

MATTHAI 24:2

Chun, a inchûktirhai chu Pathien biekinhai inentir dingin a kuomah an hung a. Ama ruok chun, an kuomah, “Hieng po po hi in hmu maw? Titakzetin ka hril cheu hi, sukchim loa lung inthuo hrim hrim hitaka hin um naw ni,” a ta, a dawn a.

MARKA 13:2

Chun, Isûn a kuomah, “Hieng in nasatak hi in hmu maw? Sukchim lova lung inthuo hrim hrim hitaka hin um naw ni,” a ta.