ṬAP HLA 3:40 - Pathien Lekhabu Inthieng (BSI)

⁴⁰ Ei lampuihai chu thaw ṭâl ei ta, zawngsuok ei ta, Lalpa kuomah inher kîr nâwk ei tiu.

ṬAP HLA 3:40 ပူးပေါင်းရင်းမြစ်များ

2 CHANCHIN SUINA 30:6

Chuongchun, dâkpuhai chu lal thupêk ang takin lal le a hotuhaia inthawk chun lekhahai chawiin Juda le Israel ram sûng po poa chun an fe ta a; “Nangni Israel mihai, nangni Assuria lalhai kuta inthawk a suokdawkhai a la um sunhai tieng hi a hung ngha kîr theina dingin, Israel le, Isaak le Abraham Pathien, Lalpa tieng chu hung ngha nâwk ro.

2 CHANCHIN SUINA 30:9

Lalpa kuom tieng in nghakîr nâwk chun, in unauhai le in thlahaiin sala ṭhuoituhai hmaa chun lunginsietna dawng an ta, hi rama hin hung nâwk an tih, ama kuomah in kîr phawt chun Lalpa in Pathien ngilneitak le zângai theitak a na, nghatsan naw ni cheu,” tiin.

INPÂKNA HLABU 119:59

Ka um dânhai ka ngaituo a I thuinhriettir tienga chun ka ke ka pên ta a.

INPÂKNA HLABU 4:4

Ṭi unla, thil suksuol naw ro; In khumlaizâwla chun in lungrilah inngaituo unla, to ṭhiep ro.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

EZEKIEL 18:28

Ama chun a ngaituo a, a lo thaw tah, a bawsietnahai po poa inthawk chun ân her hmang tâk leiin thi naw ni a, hring ngei ngei a tih.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

1 KORINTH 11:28

Mi tin mani infie seng sienla, chuong ang chun bei chu fain no chu dâwn raw se.

1 KORINTH 11:31

Amiruokchu, chîktakin inngaituo hlak unla chu, ro rêlpêkin ei um naw ding bah.

2 KORINTH 13:5

Ringnaa chun in um am, nangni insin hlak unla, nangni ngei infie hlak ro. Annawleh, nangniah Isu Krista chu a um ti nangni ngeiin in hriet chieng naw am a nih? dit naw in ni nghâl naw chun.

DÂN PAHNINA 4:30

Rinuma in uma, in chunga chuong thilhai po po chu a hung tlung pha chun a tâwp a tâwpa chun Lalpa in Pathien tieng chu ngha kîr nâwk in ta, a thu chu pawm tâng in tih.