ṬAP HLA 3:39 - Pathien Lekhabu Inthieng (BSI)

³⁹ Iengleiin am mi hring chu mi a suolnahai leia hremna thua chier hlak a na?

ṬAP HLA 3:39 ပူးပေါင်းရင်းမြစ်များ

2 LALHAI 3:13

Chun, Elisa chun Israel lal kuoma chun,“ Nang le kei hin ieng am inhmangna ei nei a? fe la, i nu le i pa zâwlneihai kuomah fe dai rawh,” a lo ti a. Chun, Israel lal chun a kuomah, “Ni lo e, Lalpa chun hi lal pathumhai hi Moab mihai kuta pêk dingin a mi ko khâwm a ni ta hi,” a ta.

2 LALHAI 6:32

Elisa chu a inah a ṭhung a, upahai khawm chu an ṭhung ve a, chun, laltak chun a kuomah mi pakhat a tir a, nisienlakhawm, a mi tir chun a kuom a hung tlung hmain upahai kuoma chun, “Hi tuolthattupa naupa hin ka lu la ve dingin mi a hung tir ti in hriet ve am? To ta u, a mi tir chu a hung tlung phingleh, kawt lo khâr unla, kawtkhâra khan lo dang tlat ro; a hnunga chun a pu kalchawi ri ân hriet a ni nghe nghe naw am a nih?” a ta.

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla ta a; chun, laltak chun, “Ngai ta, hi thil ṭha naw hi, Lalpa hung tir a ni hi, Lalpa chu iengdingin am la nghâk ta rawp ka ti a?” a ta.

EZRA 9:13

Chuong po po hnunga chun kan suol nasatak lei le, kan suksuolnahai leiin kan chungah a hung tlung a, nang kan Pathien hin kan khawhlonahaiin a phutâwk nêka nêp lemin i mi hrem a, a mahla khawm i mi la hlapêk a nih ti hmu zing si hin,

JOB LEKHABU (THE BOOK OF JOB) 11:6

Varna thurûkhai chu ân entir ding che bah! Varna chu sîr tamtak a ni si a, Pathien chun i khawhlonain a phu nêka nêp lemin a thaw che a nih ti hre rawh.

JOB LEKHABU (THE BOOK OF JOB) 15:13

I lungril chu Pathien chungah în hertir a, Chuong ang thuhai chu i baua inthawka în suoktir el chu?

INPÂKNA HLABU 107:17

Mi invêthai chu an bawsietna lei le, An rîtlonahai leiin an insukrinum hlak a.

THUVARHAI 19:3

Mihriem invêtna chun a lampui chu a sukkâwi a, A lungril chu Lalpa chungah a lungsen hlak.

ISAI 51:20

I naupasalhai chu an châu a, sakêl lêna a âwk angin kawtthlêr tâwp tienga chun an zâl phung a, Lalpa lunginsenna le i Pathien kâwkna chun an sip tah a nih.

JEREMIA 10:19

Ka natna lei chun ka chung a va rik de! ka hliemna chu a nasa hle a; nisienlakhawm, “Indiktakin hi hi ka natna chu a na, ka tuor ding hrim a nih,” ka ti a.

JEREMIA 30:15

I natna lei chun ieng dinga khêk am i na? I natna chu sukdam theilo a nih, i suolnahai chu an hung pung pei leiin, i khawhlona chu a nasa hle si a, hieng thilhai hi i chungah ka thaw a ni hi.

ṬAP HLA 3:22

Sukbohmanga ka um naw hi Lalpa zangaina a lo nih, A lainatnahai chu a kang ngai naw leiin.

LEVI DÂN 26:41

kei khawm anni kalzâwnga ka um a, an hmêlmahai rama ka înumtir chu: an lungril ser tan lo chu an insukhnuoi a, an rîtlonaa inthawka an insiem ṭha chun;

LEVI DÂN 26:43

Ram khawm chu inkiengsan an ta, anni um lova a rêm sûng chun a châwlnihai chu hlimtakin hmang a tih; ka rorêlnahai an dit naw lei le, ka thuruothai an hringna chun a theida hlak leia an rîtlona chun insiem ṭhâng an tih.

MIKA 7:9

Lalpa chunga chun thil ka suksuol ta leiin, a lungninawna nasatak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

NAMBAR 11:11

Chun, Mosie khawm chu a lungni ta naw a, chuongchun, Lalpa kuomah, “Ieng leiin am i siehlaw hi i mi sukrinum a? Ieng leiin am i mit ka tlung naw a, hieng mipui po po phurrik hi ka chunga innghat am i ni a?

NAMBAR 16:41

Nisienlakhawm, a zînga chun, “Lalpa mihai in sukhlum a nih,” tiin Israel mi pungkhâwm po po chu Mosie le Aron chunga chun an chier a.

NAMBAR 17:12

Chun, Israel mihai chun Mosie kuomah, “Ngai ta, kan bohmang a ni annâwm, kan se zo tah, kan se zo vawng tah annâwm.

THUPUONGSUO 16:9

Chuongchun, mihai chu lumtaka em ûtin an um a, chuong hremna chunga thuneitu Pathien hming chu an hrilsiet a, ama chawimawi dingin an sim chuong nawh.