ṬAP HLA 3:32 - Pathien Lekhabu Inthieng (BSI)

³² Lungngaina intlungtir hlak sien khawm, a zângaina hauzie ang peiin lunginsietna chu nei a tih.

ṬAP HLA 3:32 ပူးပေါင်းရင်းမြစ်များ

2 LALHAI 13:23

Nisienlakhawm, Lalpain Abraham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom naw a, a kuoma inthawk chun a la pei thlâk nuom ta naw rawp a.

INPÂKNA HLABU 103:11

Vân khi hnuoi chung insângtaka a um angin, Ama ṭituhai chungah a ngilneina chu a nasa a nih.

INPÂKNA HLABU 30:5

A lungsen chu mitkhap kâr chaua ding a ni si a; A ditsakna ruok chu dam sûnga ding a nih. Ṭapna chun zânkhuo a dai thei a, Hlimna ruok chu zîngkâr a hung tlung hlak.

INPÂKNA HLABU 78:38

Nisienlakhawm, ama chu lainatnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

FESUOKNA 2:23

Chuong ni tamtak sûng chun Aigupta lal chu a thi ta a. Israel mihai chu an intângna lei chun an thuok a dawng hle a, Pathien an ko a, an intângna leia ama an kona chun Pathien kuom a tlung ta a.

FESUOKNA 3:7

Chun Lalpa chun, “Aiguptaa ka mihai rimsikzie chu feltakin ka hmu a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

ISAI 27:8

Ama chu în fe hmangtir laiin a hun charin ama chu i sêl a; khawsak thli hrâng ni chun ân thli natak chun ama chu a lên sawn ta a.

ISAI 54:7

Mitkhapkâr chau el ka mâk che a; nisienlakhawm, lunginsietna nasatakin ṭhuoi nâwk ka ti che.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheilovin, ama chunga chun zângaina nei ngei ka tih, Lalpa chun a tih.

ṬAP HLA 3:22

Sukbohmanga ka um naw hi Lalpa zangaina a lo nih, A lainatnahai chu a kang ngai naw leiin.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

NAHUM 1:12

Lalpa chun hieng ang hin a tih: “An hrât thei tâwpin hrât hai sienla khawm, tam khawm tamtak ni hai sien khawm, chuongsa khawm chun vât thlûkin um an ta, bohmang an tih. Lo sukrimsi ta lang che khawm sukrimsi nâwk ta naw ning che.

LUKA 15:20

“Chuongchun, a tho a, a pa kuomah a fe ta a. Chuongchun, hlataka a la um laiin a pain a lo hmu a, a lunginsiet bêk bêk a, a tlân a, a kuo a, a fâwp ta ngâwi ngâwi a.

RORELTUHAI 10:16

Chuongchun, anni laia hnam dang pathienhai chu an sie hmang vawng a, Lalpa rawng chu an bâwl ta a; chun, Israelhai lunginzîngna lei chun a lungril a lungngai ta bêk bêk el a.