ṬAP HLA 3:25 - Pathien Lekhabu Inthieng (BSI)

²⁵ Lungrila ama zawngtuhai le, ama nghâktuhai kuoma chun Lalpa chu a ṭha a.

ṬAP HLA 3:25 ပူးပေါင်းရင်းမြစ်များ

INṬANNA 49:18

Aw Lalpa i sandamna chu ka nghâk zing.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

2 CHANCHIN SUINA 19:3

Amiruokchu, nangmaa hin thil ṭha hmusuok a ni ve bawk a, hi rama inthawka Asera chu sie hmang a, Pathien chu zawng dinga i lungril chu i siem ta leiin,” a ta.

2 CHANCHIN SUINA 30:19

hmun inthieng inthien dân anga, thieng lo khawm ni sienla, Pathien, a thlatuhai Pathien Lalpa chu zawng dinga a lungril a lo innghat ta phawt chu,” tiin.

2 CHANCHIN SUINA 31:21

Chun, Lalpa ina rawngbâwlna sin a thaw tinrênga le, dâna le, thupêkahai chun, a Pathien chu zawng dingin lungril po poin a thaw hlak a; a hlawtling ngei a.

EZRA 8:22

Lal kuoma chun, “Ama zawngtuhai chunga chun Pathien kut chu ṭhatna dingin a um a, ama nghatsantuhai po po chunga ruok chun, thilthawtheina le lunginsenna a um a nih,” kan lo ti ta si leiin, lampuia hmêlmahaia inthawka mi ṭhangpui dinga sakawr chung chuong mi le sipai pâwl lal kuoma hni kân zak si a.

INPÂKNA HLABU 105:3

A hming inthieng chu suong ro, Lalpa zawngtuhai lungril chu hlim raw se.

INPÂKNA HLABU 119:2

A thuinhriettirhai zâwmtuhai chu an hamṭha, Lungril po poa zawngtuhai chu.

INPÂKNA HLABU 22:26

Thuhnuoirawlhai chun fâng an ta, tlai an tih: Ama zawngtuhai chun Lalpa chu inpâk an ta, An lungril chu kumkhuoin hringin um raw se.

INPÂKNA HLABU 25:8

Lalpa chu a ṭhain ân dik a nih, Chuleiin, mi suolhai chu lampui kâwkhmûng a tih.

INPÂKNA HLABU 27:14

Lalpa chu nghâk zing rawh, Hrâttakin um la, i lungril chu insukhuoi raw se; Anih, Lalpa chu nghâk zing rawh.

INPÂKNA HLABU 27:8

“Ka hmêl zawng ro,” ti a i hril lai khan, ka lungril chun i kuomah, “Lalpa, i hmêl zawng ka tih,” a ti a.

INPÂKNA HLABU 37:34

Lalpa chu nghâk la, a lampui chu hraw rawh, Chuongchun, ram chu hluo dingin chawimawi a ti che. Mi rilohai sukbohmanga an um lai chu la hmûng i tih.

INPÂKNA HLABU 37:7

Lalpaa chun châwl la, ama chu nghâk fan fan rawh; Ama lampuia vângneina dawngtu lei chun insuklungngai nuom naw rawh, Ngaituo suolhai puitlintu lei chun.

INPÂKNA HLABU 39:7

Chun, Lalpa, tuhin ieng am a na ka nghâk chu? Nangmaah a nih ka beiseina a um chu.

INPÂKNA HLABU 61:1

Aw Pathien, ka khêk ri hi lo hre la, Ka ṭawngṭâina hi lo ngai rawh.

INPÂKNA HLABU 61:5

Aw Pathien, nang chun ka thutiemhai i ngai si a, I hming ṭituhai ram hluo chu i mi pêk a.

INPÂKNA HLABU 69:32

Mi rimsihai chun chu chu an hmu a an lâwm a, Nangni Pathien zawngtuhai, in lungril chu hringin um raw se.

INPÂKNA HLABU 71:14

Nisienlakhawm, kei chun chu beisei rawp ka ta, Inpâk zuol deu deu ka ti che.

ISAI 25:9

Chun, chu nia chun, “Ngai ta u, hi hi ei Pathien a ni hi, ama hi ei nghâk zing a; chuongchun, ama chun mi sandam a tih: hi hi Lalpa chu a ni hi; ama hi ei nghâk zing a, a sandamnaa chun hlimin lâwm ei tih,” tîng an tih.

ISAI 26:9

Ka hringna hin zâna chun a ngai che a; anih, ka sûnga thlarau um hin zîngkâr chun ka zawng che; i rorêlnahai chu hnuoiah a um po leh khawvêla umhai chun felna chu an inchûk hlak si a.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 40:31

Lalpa nghâktuhai ruok chun an hrâtna chu siem ṭha nâwk an ta, mupuihai angin thlain hang vuong an ta, sâwl lovin tlân an ta; châu lovin kein fêng an tih.

ISAI 55:6

Hmu awla a um lai hin Lalpa chu zawng unla, a hnâi lai hin ko ro;

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

ṬAP HLA 3:26

Lalpa sandamna chu mîn an nghâk ṭâwk ṭâwk a, an beisei chu a ṭha a nih.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, Lalpa chu a hunga in chunga felna ân sûrtir chenin Ama chu zawng hun a ni si a.

ZEPHANIA 3:8

Lalpa chun, “Chuleichun, kei mi nghâk unla, râllâk la dinga ka ngirsuok ni chen chu. Ka lungawinawna ṭium tak le ka lunginsenna nasatak chu bun khum dinga, ramhai ka kei khâwmnaah chun hnamhai ṭhuoi khâwm chu ka thiltum a ni si a; leihnuoi hluo po po chu ka îtthîkna mei chun a kânghmang ding a ni si a.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.