ṬAP HLA 3:24 - Pathien Lekhabu Inthieng (BSI)

²⁴ Ka thla chun,“ Lalpa chu ka chanvo a na, chuleiin, amaa chun beisei ka tih,” a ta.

ṬAP HLA 3:24 ပူးပေါင်းရင်းမြစ်များ

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

JOB LEKHABU (THE BOOK OF JOB) 13:15

Ama chun mi sukhlum sien khawm, ama chu la beisei rawp ka tih. A hmabulah ka thiemna thu ka la hril ding a ni si a.

JOB LEKHABU (THE BOOK OF JOB) 22:25

Chuongchun, Iengkimthawthei chu i ro hung nîng a ta, I ta dingin tangkaruo hlutak hung nîng a tih.

INPÂKNA HLABU 119:57

Lalpa chu ka chanvo a nih, I thu chu zâwm ka tih ti ka hril ta kha.

INPÂKNA HLABU 130:7

Aw Israelhai, Lalpa chu beisei ro; Lalpa kuoma chun ngilneina a um si a, A kuomah intlanna tamtak a um bawk a.

INPÂKNA HLABU 142:5

Aw Lalpa, ka ko che a “Nang chu kân humhimna, Mi hring rama ka chanvo i nih,” ka ti a.

INPÂKNA HLABU 16:5

Lalpa chu ka rochan ding le ka no chan ding chu a na, Nangin ka chanpuol i mi sukdetpêk hlak.

INPÂKNA HLABU 31:24

Lalpa beiseitu po pohai, Hrâttakin um unla, in lungril chu insukhuoi raw se.

INPÂKNA HLABU 33:18

Ngai ta, Lalpa mit chu ama ṭîtuhai chunga chun a fu zing hlak a, A ngilneina beiseituhai chunga chun.

INPÂKNA HLABU 42:11

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni si a. Ka hmêl sukmawitu le ka Pathien chu.

INPÂKNA HLABU 42:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, a hmêla damna lei chun, Ama chu ka lân pâk ding a ni si a.

INPÂKNA HLABU 43:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni si a. Ka hmêl sukmawitu le ka Pathien chu.

INPÂKNA HLABU 62:8

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

INPÂKNA HLABU 71:14

Nisienlakhawm, kei chun chu beisei rawp ka ta, Inpâk zuol deu deu ka ti che.

INPÂKNA HLABU 73:26

Ka taksa le ka lungril hi a chau ta a, Nisienlakhawm, Pathien chu kumkhuoa ka lungril hrâtna ding le ka chanvo a nih.

INPÂKNA HLABU 84:12

Aw sipaihai Lalpa, Nangma ring mi chu a hamṭha ie.

INPÂKNA HLABU 94:19

Ka lungrila ngaituo tamtak ka nei lai chun, I thlamuonna chun ka hringna hi a sukthafân hlak.

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai Lalpa chu a hming a nih.

ṬAP HLA 3:21

Hi hi ka lungrilah ka hung hrietsuok nâwkin, chuleiin, ka beisei hlak.

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:12

Chun, Isaiin, “Jessai zung zâm chu um a ta, Jentailhai Lala um dingin, A hung suok ding chu um bawk a ta, Ama chu Jentailhai chun beisei phâng an tih,” a ti nâwk bawk a.

DÂN PAHNINA 18:2

An unauhai laia chun rochan an nei ding a ni naw a, an rochan chu an kuoma a hril angin Lalpa a ni si a.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienlakhawm, David chu a Pathien Lalpaa chun ân sukhrât a.