ṬAP HLA 3:19 - Pathien Lekhabu Inthieng (BSI)

¹⁹ Ka hrem tuorna le ka rimsikna, sairam thing le khâkna chu hre zing la.

ṬAP HLA 3:19 ပူးပေါင်းရင်းမြစ်များ

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

JOB LEKHABU (THE BOOK OF JOB) 7:7

Aw, ka hringna hi thli el a nih ti hre zing la, Ka mit hin thil ṭha hmu nâwk ta naw nih.

INPÂKNA HLABU 132:1

Lalpa, David chu a rinumtuorna po po Hrietpui la.

INPÂKNA HLABU 89:47

Aw, ka hun hi a tâwi dingzie hre zing la, Mihriem nauhai po po hi i va siem teplo ngei de!

INPÂKNA HLABU 89:50

Lalpa, i siehlawhai an hrilsietna chu hre zing la, Hnam hrâttakhai po po hrilsietna ka ângsûnga ka tuor hlakzie hi.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; Lalpa chunga chun thil ei lo suksuol ta leiin, Lalpa ei Pathien chun bohmangnaa um dingin a mi sie ta a, tûr pawl tui chu dâwn dingin a mi pêk ta a.

JEREMIA 9:15

chuleiin, sipaihai Lalpa Israel Pathien chun hieng hin a tih: Ngai ta, hi hnam hi, anni ngei hi sairam khâin vai ka ta, tûr pawl tui dâwn dingin pêng ka tih.

ṬAP HLA 3:15

Ama chun khâknain a mi suksip a, sairam kha leh a mîn ṭhungtir ta a.

ṬAP HLA 3:5

Ka chunga chun dai a rem ta a, nauhase nat le khâknain a mîn huon a.