ṬAP HLA 3:17 - Pathien Lekhabu Inthieng (BSI)

¹⁷ Nangin ka thla chu thlamuongnaa inthawka hlataka chun i sie hmang a; hlawtlingna khawm ka theinghil rau a.

ṬAP HLA 3:17 ပူးပေါင်းရင်းမြစ်များ

INṬANNA 41:30

chu hnunga chun ṭâm kum, kum sari hung um nâwk a tih, chuongchun, hausakna po po kha Aigupta rama hin theinghil vawng ni tâng a tih; ṭâm chun ram hi fa se zo a tih:

JOB LEKHABU (THE BOOK OF JOB) 7:7

Aw, ka hringna hi thli el a nih ti hre zing la, Ka mit hin thil ṭha hmu nâwk ta naw nih.

INPÂKNA HLABU 119:155

Sandamna chu mi rilohaia inthawk chun a hla a nih, I thuruothai chu an zawng naw leiin.

ISAI 38:17

Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim ta a; Ka suolhai po po kha i hnungtienga chun i pei vawng si a.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 59:11

Savawmhai angin ei rêngin ei inhûk dur dur hlak a; vaṭhuhai angin nasatakin ei in ṭuk rût rût hlak; rorêlna ei nghâk hlak a, nisienlakhawm, a um dêr si naw a; sandamna ei nghâk hlak a, nisienlakhawm, einia inthawka hlatakah a um hlak.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 16:5

Lalpa chun hieng hin a ti si a: Lusûn ina chun lût naw unla, ṭa dingin fe bawk naw unla, anni chu sûn bawk naw ro; hi hnama inthawk hin ka thlamuongna chu ka lâk hmang ta si a, Lalpa chun a tih, lunginsietna le zângaina innêmtak el chu.

JEREMIA 8:15

Thlamuongna ding ei enkai hlak a, nisienlakhawm, thil ṭha hrim a hung tlung naw a; sukdamna ding huna dâm chun, ngai ta, beidawngna lem!

ṬAP HLA 1:16

Hieng thilhai lei hin ka ṭap a; ka mit chu tuiin a luongthla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um ta a.

ZEKARIA 8:10

Khâng nihaia khan chu mihriem ta dingin inhlawfâkna a um naw a, ran ta ding khawma inhlawfâkna hrim a um naw a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie si a.