ṬAP HLA 2:5 - Pathien Lekhabu Inthieng (BSI)

⁵ Lalpa chu hmêlma ang a hung ni ta a, Israel a lem zo a; A in ropuihai po po a lem zo a, a kul dethai a sukchim a, Juda naunua chun sûnna le lusûnna a sukpung bawk a.

ṬAP HLA 2:5 ပူးပေါင်းရင်းမြစ်များ

2 LALHAI 25:9

Lalpa in le lal in chu a raw a; Jerusalem in po po, in ropui taktakhai chu a raw a.

JOB LEKHABU (THE BOOK OF JOB) 13:24

Iengdinga nangin i hmai i thup a, I hmêlma anga i mi ngai am?

JOB LEKHABU (THE BOOK OF JOB) 19:11

A lunginsenna chu ka chungah a sukchawk a, A hmêlma pakhat ang chun a mi ngai ta a.

INPÂKNA HLABU 89:40

A dâi po po chu i sukthlûk a, A kulbînghai chu i suksiet ta a.

INPÂKNA HLABU 89:41

Lampuia fe poin a thil an lâkpêk hlak a, A vêla mihai hrilsietin a hung um ta a

ISAI 29:2

chu pha chun Ariel hi suklungzîng ka ta; chuongchun, sûnna le ṭapna um a tih; chun, ama chu ka ta dingin Ariel ang chu nîng a tih.

ISAI 63:10

Nisienlakhawm, an hel a, a thlarau inthieng chu an suklungngai a; chuleiin, anni do dingin ân let a, ama ngei chun anni chu a thaw ta a.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 21:4

Israel Pathien, Lalpa chun hieng hin a tih. Ngai ta, in kuta indona hriemhrei kul puoa, nangni hung inhuoltuhai cheu, Babulon lal le Kaldaihai i donahai chu inherkîrtir ka ta, hi khawpui sûnga hin anni chu kei khâwm ka tih.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

ṬAP HLA 2:2

Lalpa chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm ta a.

ṬAP HLA 2:4

Hmêlma angin a thalngul chu a kuoi a, hmêlma angin a kut changtiengin a ngîr a, Zion naunu puon ina mita hmu inhâwkumhai po po chu a that vawng a; A lunginsenna chu mei angin a bunthlâk a,

EZEKIEL 2:10

ka hmaa chun a hung phar a, a sûngtieng le a puotienga ziek a na; chutaka chun sûnna le, ṭâna le chungrikna ziek a nih.

1 SAMUEL 28:16

Chun, Samuel chun, “Chuonga Lalpa chun a nghatsan ta che a, i hmêlma a hung ni tah ti hre zing sa chun iengdinga thu i mîn dawn am a na?