ṬAP HLA 2:17 - Pathien Lekhabu Inthieng (BSI)

¹⁷ Lalpa chun thaw a itum chu a thaw ta a; Tienlai nihaia thu a pêk thuhai chu a hung sukpuitling ta a; A pei thlâk ta a, a lunginsiet naw a; Hmêlmahai chu lâwmin a siem ta a; I hmêlmahai ki chu a chawimawi ta a ni hi.

ṬAP HLA 2:17 ပူးပေါင်းရင်းမြစ်များ

1 LALHAI 9:7

Israelhai hi ram ka pêka inthawk hin sukbohmang ka ta; chun, hi in ka hming dinga ka sukthieng ta sa hi ka mithmu phâk nawah sawnhmang dai ka tih; chuongchun, Israelhai hi hnam tinrênghai laia chun tielna le a se tieng hrilkhinaa hmang la nîng an ta;

INPÂKNA HLABU 35:24

Aw Lalpa ka Pathien, i felna ang peiin ro mi rêlpêk la, Anni chun mi diriem naw raw hai se.

INPÂKNA HLABU 35:26

Ka sietna chunga lâwmhai chu muolphotak le thuokdawngtakin um hai sienla, Ka chunga insuklienhai chu muolphona le inzakna insiltirin um raw se.

INPÂKNA HLABU 38:16

“Chuong naw chun mi diriem an ta, Ka ke ân tlêu phingleh ka chungah insuklien rawi an tih,” ka ti a nih.

INPÂKNA HLABU 89:42

Ama dotuhai kut changtieng chu i chawimawi a, A hmêlmahai po po chu i sukhlim ta a.

INPÂKNA HLABU 89:43

Anih, a kâwlhnâm hmawrzum chu i namkâwi a, Ama chu inthawnaa chun în ngîrdettir ta naw a.

ISAI 14:29

Aw Philistin ram pumpui, nanga vuokna che hmawl chu a tliek ta leiin lâwm naw: rûl zunga inthawk chun rûlhmuk a hung suok ding a ni si a; a ra chu rûl chawk vuong thei la nîng a tih.

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat ta a; kân sîr bawk naw a; chutaka inthawk lamlêt bawk naw ning.”

JEREMIA 40:3

chuongchun, Lalpa chun a hung intlungtir a, a hril ang ngei chun a hung thaw ta a; Lalpa chunga chun thil in suksuol ta leiin le, a râwl chu in awi naw leiin, hieng thil hi in chungah a hung tlung a ni hi.

ṬAP HLA 1:5

A khingtuhai chu lu an hung na, a hmêlmahai chu an hung hlawtling a; A bawsietna tamtak el lei chun Lalpain ama chu a sukrimsi si a, A nau le têhai chu a hmêlmahai hmaa chun salah an fe a.

ṬAP HLA 2:8

Lalpa chun Zion naunu kul chu suksiet a tum ta a; Rînin ân khi vawng ta a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

ṬAP HLA 3:43

Lunginsennain în khum a, keini i mi hnawt a; i that a, i lunginsiet naw a.

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 5:11

Chuleiin, ka hring zing angin, i tirdakumna po po le i thilpawrchehai po po chun ka hmun inthieng chu i lo sukpawrche tâk leiin hung sukriral ngei ngei ka ti che a, ka mit khawma hla naw ni che a, kei khawma lunginsietna nei bawk naw ning che.

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

EZEKIEL 9:10

Chuongchun, keia ta ding khawma, ka mitin hla naw ni a, lunginsietna nei bawk naw ning, amiruokchu, an suol man chu an lu chungah innghat lem ka tih,” a ta.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

MIKA 2:3

Chuleiin, Lalpain hieng ang hin a tih: Ngai ta, hi sûngkaw chunga hin thil ṭha naw ka suongtuo a nih; chutaka inthawk chun in rîng la hmang naw ti niu a, chapotakin fe ta naw bawk in tih; hun ṭha naw a ni ding a ni si a.

ZEPHANIA 1:2

“Leihnuoi chunga inthawkin thil tinrêng chu sukbohmang vawng ka tih,” Lalpa chun a tih.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.