ṬAP HLA 2:16 - Pathien Lekhabu Inthieng (BSI)

¹⁶ I hmêlmahai po po hlaka an bauhai an kâk khum pêkpûk che a; An sisi a, an ha an rawt a, “Ama chu ei lem zo tah, Ah, hi ni hi annâwm ei thlîr zing kha, ei hmusuok ta a, ei hmu ta hi,” an ti a.

ṬAP HLA 2:16 ပူးပေါင်းရင်းမြစ်များ

INPÂKNA HLABU 109:2

Mi rilo bau le bau mi hlêmhmang chu ka chungah an ka si a; Anni chun lei khêlinhlipin ka kuomah thu an hril a.

INPÂKNA HLABU 112:10

Mi rilo chun chu chu hmûng a ta, lunginsen a tih, A ha râwt a ta, intuihmang a tih: Mi rilohai dit zâwng chu bohmang a tih.

INPÂKNA HLABU 124:3

Kha lai khan anni chun ei hring pumin mi lem tâng an tih, Ei chunga an lung a chawk lai khan:

INPÂKNA HLABU 22:13

Sakeibaknei hnukinrâwl inhûk hmang angin, An bauvin an mi khêkkhum a.

INPÂKNA HLABU 35:16

Ruoiṭhenaa nuiza fiemthu hriltuhai ang mei meiin, An ha an mi râwt khum a.

INPÂKNA HLABU 35:21

Anih, an bauin an mi kâk khum puou a, “Chei! Chei! ei mit ngeiin ei hmu tah,” an ti a.

INPÂKNA HLABU 35:25

An lungrilin, “Chei! chuong ang chu a ni annâwm ei dit chu,” ti naw raw se. “Ama chu ei lem zo tah,” ti naw bawk raw se.

INPÂKNA HLABU 37:12

Mi rilo chun mi fel a phierrûk a, A ha a râwt khum hlak.

INPÂKNA HLABU 41:8

“Natna ṭha nawtakin a tlâkkhum ta a, Tuta a zâl hi tho nawk ta naw nih,” an ta.

INPÂKNA HLABU 56:2

Ka hmêlmahaiin sûnnithlâkin mi lem zo an tum a, Chapotaka mi thawtuhai hi an tam si a.

INPÂKNA HLABU 57:3

Mi lem zo tumtu chun a mi hrilsiet pha chun, Ama chun vâna inthawkin hung tir a ta, mi sanhim a tih: Pathienin a ngilneina le a thutak hung tir suok a tih.

ISAI 49:19

I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni si a; nangma lemtuhai kha hlatakah an um ta ding a nih.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 50:7

A hmu taphawthai hlak chun anni chu an fâkzo a, an hmêlmahai chun, ‘Thudik umna Lalpa, an thlatuhai beiseitak, Lalpa chunga chun thil an suksuol lei a nih, ei sukpawi nawh,’ an ti a.

JEREMIA 51:34

“Babulon lal Nebukadnezzar chun a mi fâk zo a, a mi suknawi a, ama chun bêl ruokah a mi siem ta a, rûlpui ang elin a mi lem a, kân hnikna chun a phîng chu a suksip a, a mi peisâk ta a.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i puong ta chu la hung intlungtir i ta, anni khawm keia ang bawk nîng an tih.

ṬAP HLA 3:46

Kan hmêlmahai po po hlakin kan chungah an bau an ka pêkpûk a.

EZEKIEL 23:32

“Lalpa Pathien chun hieng hin a tih: I unaunu no tung lientak chu i dâwn ding a nih, Hmusita nuisanin um i ta, hrilinsîm ni bawk i tih, A keng râwn hle si a;

EZEKIEL 25:15

“Lalpa Pathien chun hieng hin a tih: Philistin mihai chu phuba lâk angin an lo sawisakin, theida zing zinga sukse dingin lungrila hmusit pumin phuba an lo lâk a,

EZEKIEL 25:3

Ammon thlahai kuoma chun hieng hin hril la, Lalpa Pathien thu chu lo ngai unla, Lalpa Pathien chun hieng hin a ti a nih: Ka hmun inthieng chu sukhmingsiet a ni laiin le, Israel ram chu râusan a ni laiin le, Juda sûngkuo chu sala an intâng lai khan, ‘I hih,’ i lo ti tâk lei khan;

EZEKIEL 25:6

Lalpa Pathien chun hieng hin a ti si a; Israel ram chunga hin i lungrila hmusitna po po leh i lo lâwm ta a, i kehai i lo tet a, i kuthai i lo ben tâk leiin;

EZEKIEL 36:3

hril la, hieng hin ti rawh; Lalpa Pathien chun hieng hin a ti a nih; râusanah an lo siem ta che leiin le, sîr tina inthawk chun an lo lem ta che a, hnam la umhai ta dinga chan i ni theina dingin, thuhriltuhai hmûra chun i chuong a, mipuihai thuhril ṭha lo i lo ni tâk leiin;

EZEKIEL 5:15

Chuongchun, vauna ṭiumhai le, lunginthak le lunginsennaa rorêlnahai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei Lalpa hin ka hril ta a nih:

HOSEA 8:8

Israelhai chu lem zoin an um a nih, Bêl, a sûnga lâwmna um lo angin tuhin hnam dang laia chun an um a nih.

MIKA 4:11

Tuhin hnam tamtak chu nangma doin an inkhâwm a, “Sukpawrchein um sienla, ei mit hin Zion chunga a châk zâwng chu hmu raw se,” an ti a.

THILTHAWHAI 7:54

Chun, chuong thu chu an hrietin an lungril a khei ta a, Stephan chunga chun an ha an râwt a.