ṬAP HLA 2:15 - Pathien Lekhabu Inthieng (BSI)

¹⁵ Mi fe inlawnhai po po chun an kuthai an ben khum che a, Jerusalem naunu chunga hin an sisi a, an luhai an thin a, “Hi hi a ni maw mihaiin, Mawina famkimna, Leihnuoi po poa khawpui an ti chu?,” tiin.

ṬAP HLA 2:15 ပူးပေါင်းရင်းမြစ်များ

2 LALHAI 19:21

Hi hi a chungchâng thu Lalpain a hril chu a nih, ‘Zion naunu nunghâk chun a hmusit che a, a nuisan che a nih; Jerusalem naunu chun a lu a thin khum bawk che a.

2 CHANCHIN SUINA 7:21

Chun, hi in hieng ang lâwma insâng hi, a fekhêltuhai taphawt chun mak la tîng an ta, ‘Hi in le hi ram hi Lalpa chun ieng am a law a ni ta le?’ tiin.

INPÂKNA HLABU 109:25

Anni ihrilsiet ka lo ni ta a, An mi hmu phingleh an lu an thin hlak.

INPÂKNA HLABU 22:7

A mi hmu taphawtin an mi nuisan a, An hner an phen a, an lu an thin a;

INPÂKNA HLABU 48:2

Insâng zâwnga mawitak, khawvêl po po hlimna chu, Zion tlâng chu a nih, hmar tieng panga, Lal ropuitak khawpui chu.

INPÂKNA HLABU 48:3

A lal inahai chun Pathien chun kulbîng insâng a nizie ân hriettir a.

INPÂKNA HLABU 50:2

Mawi famkimna, Ziona inthawk chun, Pathien chu a var suok ta a.

INPÂKNA HLABU 64:8

Chuongchun, anni lei ngei chun anni a do leiin, sukkatin um an ta, Anni hmu taphawthai chun an lu thinkhum an tih.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, Lalpa chu Perazim tlânga a tho ang khan a tho ding a ni si a, Gibeon ruoma a lunginsen ang khan a lunginsen ding a ni si a.

ISAI 37:22

hi hi a chungchâng thu Lalpain a hril chu a nih: Zion naunu nunghâk chun a hmusit che a, a nuisan che; Jerusalem naunu chun a lu a thin khum che.

ISAI 64:11

Kan in inthieng le kan in mawitak, kan puhaiin an lo inpâkna hlak che chu, meia raw a na; kan thil ditumhai po po hlak chu suksietin a um ta vawng si a.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 19:8

Hi khawpui hi maktia le thuokdawngumah siem ka ta; mi tin a fe khêltuhai taphawt chun mak tîng an ta, an thuok dawng a tih, chu chu hmun po po a se ta lei chun.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, incheknaa le, ṭawngsephura siem dingin;

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 48:27

Nanga ta ding chun Israel chu hrilsîm a ni naw am a nih? Inruhai lai hmu a ni am a nih? Ama thu chu i hril poleh, lu i lei el si a.

JEREMIA 51:37

Babulon chu hmun dêng pâwng el, sihalhai ta dinga chêngna hmun ding le, maktia um ding le, hluotu um lova inchek khum el ding nîng a tih.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i puong ta chu la hung intlungtir i ta, anni khawm keia ang bawk nîng an tih.

ṬAP HLA 1:8

Jerusalem chu lungngaithlâktak elin a lo suol ta a; chuleiin, thil thieng naw ang a hung ni ta a; A saruokna chu an hmu leiin, ama lo inza hlaktuhai po po khawm khan an hmusit ta a; Anih, ân rûm a, nawtieng a ngha a.

ṬAP HLA 2:16

I hmêlmahai po po hlaka an bauhai an kâk khum pêkpûk che a; An sisi a, an ha an rawt a, “Ama chu ei lem zo tah, Ah, hi ni hi annâwm ei thlîr zing kha, ei hmusuok ta a, ei hmu ta hi,” an ti a.

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; Lalpa chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit ta a.

EZEKIEL 16:13

Chuongchun, rângkachak le tangkaruoa cheiin i um a; i silfênhai khawm, puonzai inhmi dâm, tuktulungêk puon dâm le puon cheimawi dâm an nih; beiphit indîtak le khuoizu le hriek chu i fâk a; i hung hmêlṭha êm êm el a; chun, lalnu khawm chu i hung tling pei ta a.

EZEKIEL 16:14

I mawina leiin i hming chu hnamhai laia chun ân darsuok a; kân lalna leia i chunga ka lo sie ta chu, ṭhat famkimna a ni si a.’ Lalpa Pathien chun a tih.

EZEKIEL 23:32

“Lalpa Pathien chun hieng hin a tih: I unaunu no tung lientak chu i dâwn ding a nih, Hmusita nuisanin um i ta, hrilinsîm ni bawk i tih, A keng râwn hle si a;

EZEKIEL 25:6

Lalpa Pathien chun hieng hin a ti si a; Israel ram chunga hin i lungrila hmusitna po po leh i lo lâwm ta a, i kehai i lo tet a, i kuthai i lo ben tâk leiin;

EZEKIEL 5:15

Chuongchun, vauna ṭiumhai le, lunginthak le lunginsennaa rorêlnahai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei Lalpa hin ka hril ta a nih:

DANIEL 9:16

Aw Lalpa, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thlatuhai khawhlonahai lei chun Jerusalem le i mihai chu kan vêla mi po pohai hrilinsîm kan lo ni ta hi.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

NAHUM 3:19

I na chu a damna ding a um nawh, i hliemna chu a nasa hle a nih; i ri hre taphawt chun kut an benkhum che; i rîtlona hin a chîm rawp naw tu am a um a?

ZEPHANIA 2:15

Hi hi khawpui hlim, fîmkhur lotaka khawsa a, a lungrila, “Kei ka nih, kei naw chu tu dang khawm an um nawh,” titu chu: iengtiziea râusana umin ran ruol riekna hmun a hung ni el am a ni ta leh aw! tukhawm a fe khêl taphawt chun inhlîp an ta, an kut thinkhum an tih.

MATTHAI 27:39

Chun, mi inlawn taphawt chun an lu thinin, an tiel a,

MARKA 15:29

Chun, mi fe vêl po chun an lu thinin, “A hei! nang Pathien biekin ṭhiek a, ni thum kâra bâwl nâwktu,