ṬAP HLA 2:1 - Pathien Lekhabu Inthieng (BSI)

¹ Zion naunu chu Lalpa chun a lunginsena iengtiziea sûmpuia ân khum am a na! Israel mawina chu vâna inthawkin hnuoiah a hung pei thlâk a; A lunginsen nia chun a ke innghatna khawm chu a hriet zing ta nawh.

ṬAP HLA 2:1 ပူးပေါင်းရင်းမြစ်များ

2 SAMUEL 1:19

Aw Israel, i ropuina chu i bâwlhmunahai that a na, Mi thilthawtheihai an tlu ta hi!

1 CHANCHIN SUINA 28:2

Chun, lal David chu a kein a ngîr a, “Ka unauhai, ka mihai, lo ngai ta u; keia ngaia chun Lalpa thuthlungna bâwm châwlna ding in le, Pathien ke innghatna ding hmun bâwlpêk chu ka lungrilah a um a; chuongchun, a in bâwlna ding khawm chu ka siem zo hieu ta a.

INPÂKNA HLABU 132:7

Ama umnaahai chun lût ei ta, A ke innghatna bula chun chibai bûk ei tih.

INPÂKNA HLABU 89:45

A tlangvâl lai nihai chu i suktâwipêk a, Ama chu muolphonain în khum ta si a.

INPÂKNA HLABU 99:5

Lalpa ei Pathien chu chawimawi unla, A ke innghatna bula chun chibai bûk ro, Ama chu ân thieng a nih.

ISAI 64:11

Kan in inthieng le kan in mawitak, kan puhaiin an lo inpâkna hlak che chu, meia raw a na; kan thil ditumhai po po hlak chu suksietin a um ta vawng si a.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

ṬAP HLA 1:1

Iengtiziea khawpui khânga mipuia sip kha khawsâwta ṭhung el am an ta a! Hnamhai laia khânga ropui kha, iem a tia hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, Lalpain a lunginsenna ṭium nia a mi sukrinumna ang hi.

ṬAP HLA 2:17

Lalpa chun thaw a itum chu a thaw ta a; Tienlai nihaia thu a pêk thuhai chu a hung sukpuitling ta a; A pei thlâk ta a, a lunginsiet naw a; Hmêlmahai chu lâwmin a siem ta a; I hmêlmahai ki chu a chawimawi ta a ni hi.

ṬAP HLA 4:1

Rângkachak chu a vân thim ta de! Rângkachak inthieng khawm chu a va danglam ta de! Hmun inthieng lunghai chu kawtthlêr tâwp tina chun bunthlâkin a um a.

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 13:13

Chuleiin, Lalpa Pathien chun a tih; Ka lunginsenin thlipui hrângin suksieng ka tih; ka lunginsennaa chun ruopui nasatakin sûr a ta, a suksetu ding lunginsena riel nasatak leh.

EZEKIEL 19:12

Nisienlakhawm, lunginsenna hmalthlakin a um a, Hnuoia pei thlâkin a um a, Sak thliin a sukṭâwl a, a ra a mût ṭil a, A kâu ngartak khawm chu suktliek a hung na, A vuoi ta a, meiin a kâng hmang ta a.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 30:18

Tehaphnehesa chun ni chu hung inthim a ta, chu pha chun Aigupta rîngkawlhai chu suktliek ka ta, amaa chun a thilthawtheina chapona chu tâwp tâng a tih; ama chu sûmpuiin hung inkhum a ta, a naunuhmeihai chu salah fêng an tih.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

MATTHAI 11:23

Chun, nang Kapernaum, vân chena chawimawi i ni ding am a nih? Mithi khuo chenin i zu fe ding i sawnnaw. Nangmaa thilmak thawa umhai kha Sodoma thaw ni sienla, tu chen hin la um zing a tih.

LUKA 10:15

Chun, nang Kapernaum, vân chenin chawimawi i ni ding am a nih? Mithi khuo chena nam thlâk i ni ding i sawnnaw.

LUKA 10:18

Chun, ama chun an kuomah, “Kâwlinlep angin Setan vâna inthaw- ka hung tla kha ka hmu annaw.

1 SAMUEL 4:21

Chun, “Ropuina chun Israelhai chu a suoksan tah,” tiin, naupang hminga chun Ikabod a sak a. Pathien bâwm chu an lâkpêk ta a, a tarpupa le a pasal khawm an thi ta si a.

1 SAMUEL 4:22

“Ropuina chun Israel chu a suoksan ta a, Pathien bâwm chu an lâkpêk ta si a,” a ta.