ṬAP HLA 1:8 - Pathien Lekhabu Inthieng (BSI)

⁸ Jerusalem chu lungngaithlâktak elin a lo suol ta a; chuleiin, thil thieng naw ang a hung ni ta a; A saruokna chu an hmu leiin, ama lo inza hlaktuhai po po khawm khan an hmusit ta a; Anih, ân rûm a, nawtieng a ngha a.

ṬAP HLA 1:8 ပူးပေါင်းရင်းမြစ်များ

INṬANNA 3:7

Chuongchun, an pahni chun an mit a hung var a, saruok an nih ti an hung inhriet ta a; theichang hna an ṭhui mat a, puonbil an insiem fâwm ta a.

1 LALHAI 9:6

Amiruokchu, nangniin amanih, in thlahaiin amanih in mi zui chu in mi kîrsan a, ka thupêkhai le ka thuruothai kân hriettirhai cheu hi in pawm naw a, pathien danghai rawng dâm in va bâwl a, in va biek chun,

1 LALHAI 9:7

Israelhai hi ram ka pêka inthawk hin sukbohmang ka ta; chun, hi in ka hming dinga ka sukthieng ta sa hi ka mithmu phâk nawah sawnhmang dai ka tih; chuongchun, Israelhai hi hnam tinrênghai laia chun tielna le a se tieng hrilkhinaa hmang la nîng an ta;

1 LALHAI 9:9

Chun, mihaiin, ‘Lalpa an Pathien, an puhai Aigupta rama inthawka ṭhuoi suoktu kha an mâksan a, pathien danghai an chel a, an biek a, an rawnghai an bâwl ta lei a nih; chuleiin, Lalpain hieng sietna po po hi an chungah a hung intlungtir tah a ni hi,’ tiin la dawn an tih,” a ta.

ISAI 47:3

I saruokna chu inkhum lovin um a ta, anih, i zamaw chu inlang a tih; phuba lâng ka ta, mi tukhawm inrempui naw ningah.

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suolluina i tuok a nih.

JEREMIA 13:26

Chuleiin, kei khawma i fênthuo chu i hmai chunga chun hlîm ka ta, i înzapui chu inlang a tih.

JEREMIA 15:4

Chun, anni chu, Juda lal Hezekia naupa Manasse Jerusalema a thilthawhai lei khan, hnuoi chunga lalram po pohai laia chun hmatieng hnungtienga hnawtlêng dingin inumtir ka tih.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

JEREMIA 34:17

Chuleiin, Lalpa chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna puong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka puong a nih, Lalpa chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 6:28

An rêngin nuora helhai chu an na, hmurthiemhai le chun an invâk a, dârsen le thîrhai an na, an rêng el chun setak el chun an thaw a nih.

ṬAP HLA 1:11

A mihai po po chu an thuok dawngin bei an zawng a, An thil hluhai chu an hringna sukhrâtna dingin bu manah an pêk a; Aw Lalpa, ngai la, en ta, hmusitum ka lo ni ta hi.

ṬAP HLA 1:17

Zion chun a bânhai a phar vêl a, ama thlamuongtu ding tukhawm an um nawh, Lalpa chun Jakob chungthua chun, ama vêl hnaia umhai po chu a hmêlmahai nîng an tih tiin thu a lo pêk ta a; Jerusalem chu anni laia chun thil thiengnaw ang a lo ni tah.

ṬAP HLA 2:10

Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

ṬAP HLA 4:21

Uz rama um, nang aw Edom naunu, hlimin lâwm rawh; Nanga kuoma khawm no chu hung tlung a ta; inrui i ta; chun, nang chu ruokin insiem i tih.

EZEKIEL 23:29

theida hlêng an ti che a, i sinthaw inrimna po po chu la hmang vawng an ta, saruok le silfên boin mâksan an ti che; chun, i hurna saruokna chu hlîm nîng a ta, i hurna le i nawchizawrna chu.

EZEKIEL 23:46

Lalpa Pathien chun hieng hin a ti si a; An chungah mipui inkhâwm hung ṭhuoi ka ta, anni chu a suk a tunga vawrlênga suksiet dingin an kuomah pêng ka tih.

EZEKIEL 39:23

Chun, hnamhai chun Israel sûngkuo chu an suol leia sala intâng an nih ti hrieng an ta; ka chungah an lo bawsiet ta a, kei khawma ka hmai ka thuppêk bawk leiin; chuongchun, an hmêlmahai kutah anni chu ka pêk a, an rêng el chun kâwlhnâma chun an lo tlu ta a.

HOSEA 2:10

Chuongchun, a dit zâwnghai mithmua chun, A saruok zâmaw chu suklang ka tih; Ka kuta inthawk chun tukhawma sansuok naw ni hai.

HOSEA 2:3

Chuong naw chun saruokin siem ka ta, A pieng nia a um angin inumtir ka tih, Thlalêr angin siem ka ta, Ram ṭâwl angin inumtir ka ta, Dangchârin sukhlum ka tih.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.