ṬAP HLA 1:22 - Pathien Lekhabu Inthieng (BSI)

²² An khawhlonahai po po chu i hmaa chun hung tlung sienla, Ka bawsietnahai po po leia ka chunga i thaw ang khan an chunga khawm thaw ve rawh. Ka thuokdawngnahai chu tamtak an na, ka lungril khawm a chau a nih.

ṬAP HLA 1:22 ပူးပေါင်းရင်းမြစ်များ

INPÂKNA HLABU 143:7

Aw Lalpa, mi hung dawn vak la, ka thlarau a châu ding a ni hi; Ka kuoma hin i hmai thup naw la, Chuong naw chun khura zu fehai ang elin hung um rawi ka tih.

INPÂKNA HLABU 79:10

Hnam tinin, “Khâwlai am an Pathien kha teh?” an ti el dîm a nih? I siehlawhai thisen suok phubalâkna chu, Kan mithmuah hnam tin lai hin hriet ni raw se.

ISAI 13:7

Chuleiin, kut po po chu hrât naw ni a, mihriem lungril tinrêng khawm intuihmang a tih;

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo si a; anih, ama chu an fâk zo a, an kânghmang dêr a, a umna khawm chu an suksiet a.

JEREMIA 18:23

Amiruokchu, Lalpa, mi thatna dinga ka chunga an thu inrâwnna po po kha i hriet a, an suolna chu ngaidam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nangma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 51:35

Ka chunga le ka taksa chunga thawluina hi Babulon chungah um raw se,” Zion hluotuhai chun, tîng an ta; “Ka thisen hi Kaldai hluotuhai chungah um raw se,” Jerusalem chun ti bawk a tih.

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang si a.

ṬAP HLA 1:13

Chungtienga inthawkin ka ru sûngah mei a hung tir a, anni chu a hne ta a, Ka kehai ta dingin lên a pha a, a mi keikîr ta a; Râusanah a mi siem a, chauin ka um ni tin a.

ṬAP HLA 5:17

Hi lei hin kan lungril chu a chau a; Hieng thilhai lei hin kan mithai chu ân thim a.

LUKA 23:31

Thing hringa hman hieng ang an thaw chun, a ṭâwla chun iengtin takin am an thaw ding chu?” a ta.

EPHESI 3:13

Chuongchun, nangni leia rinum ka tuornahai lei hin beidawng lo dingin ka ngên cheu; chuonghai chu in ropuina a nih.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl lova hnuoia umhai chunga kan thisen insuona phuba chu la lova i um ding?” tiin an khêk a.