ṬAP HLA 1:17 - Pathien Lekhabu Inthieng (BSI)

¹⁷ Zion chun a bânhai a phar vêl a, ama thlamuongtu ding tukhawm an um nawh, Lalpa chun Jakob chungthua chun, ama vêl hnaia umhai po chu a hmêlmahai nîng an tih tiin thu a lo pêk ta a; Jerusalem chu anni laia chun thil thiengnaw ang a lo ni tah.

ṬAP HLA 1:17 ပူးပေါင်းရင်းမြစ်များ

1 LALHAI 8:22

Chun, Solomon chu Lalpa maichâm hma, Israel pungkhâwmhai po po hmua chun a ngîr a, vân tieng banin a kut a phar a.

1 LALHAI 8:38

i mi Israelhai po po laia mâni lungrila hri uma hre a, hi in tieng hi nghaha kut hung phar taphawthaiin ṭawngṭaina le hnina an hung inhlân hrim hrim chu,

2 LALHAI 25:1

Chun, ân lal kum kuo kum, thla sâwmna, ni sâwm ni takin Babulon lal Nebukadnezzar chun a sipaihai po po leh Jerusalem khuo chu an hang do a, umhmun an hang khuor a; chun, kulin an inhuol vêl ta a.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

ISAI 54:11

Aw nang sukrimsik, tuifâwn vawr vawra um, lungmuongna nei lo, ngai ta, i lunghai chu zie mawitakhaiin rem ka ta, i lungphûmhai chu sapphir lunghaiin rem bawk ka tih.

JEREMIA 12:9

Ka rochan chu ka ta ding chun vate ṭiel sa fa mi ang a ni a ni ta maw? A sîr vêl tina chun vate sa fa mihai chu an um a ni maw? Nang va fe la, ramhnuoia ramsahai po po chu kei khâwm la, fa zo dingin hung ṭhuoi rawh.

JEREMIA 15:5

Aw Jerusalem, tuin am i chungah lunginsietna nei a ta? Tuin am an sûn ding che a ni leh? Annawleh, i hamṭhatna ding thu hni dingin tu am hnungkîr an ta?

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu sukkâwk bawk naw ni hai;

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 6:3

Berâmpuhai chu an ranruolhai leh a kuomah hung an ta; a vêla chun an puon inhai a vêlin kei khum an tih, mi tin chu mâni hmun senga chun fâk zawng an tih.

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang si a.

ṬAP HLA 1:16

Hieng thilhai lei hin ka ṭap a; ka mit chu tuiin a luongthla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um ta a.

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang ta a, An hringnahai sukhrât dinga bu an zawng lai chun.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khawhlotakin ama an sawisak a; A hmêlmahai an hung ni vawng el ta ie.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i puong ta chu la hung intlungtir i ta, anni khawm keia ang bawk nîng an tih.

ṬAP HLA 1:8

Jerusalem chu lungngaithlâktak elin a lo suol ta a; chuleiin, thil thieng naw ang a hung ni ta a; A saruokna chu an hmu leiin, ama lo inza hlaktuhai po po khawm khan an hmusit ta a; Anih, ân rûm a, nawtieng a ngha a.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw Lalpa, ka rimsikzie hi, ka hmêlma chu ama le ama ân chawimawi si a!

ṬAP HLA 4:15

“Fe hmang ro, thieng nawhai,” tiin mihaiin an khêk khum a, “Tir hmang ro, Tir hmang ro, Tâwk naw ro”, tiin. Tlânsie le invai an hung ni ta a, Hnamhai lai chun mihaiin, Eini lai um ta naw raw hai se, an ti a.

EZEKIEL 36:17

“Mihriem naupa, Israel sûngkuo chu anni ram ngeia an chêng lai khan, an thil thawhai le an lampuihai chun an sukpawrche a; an lampui chu ka kuoma chun nuhmei ân siehran laia ân thieng nawna ang chu a nih.

HOSEA 8:8

Israelhai chu lem zoin an um a nih, Bêl, a sûnga lâwmna um lo angin tuhin hnam dang laia chun an um a nih.