ṬAP HLA 1:14 - Pathien Lekhabu Inthieng (BSI)

¹⁴ Ka bawsietnahai chu rîngkawlah a khitde a, Ama kuthai ngeiin a khit têl a; Ka rîngah ân bâttir a, ka hrâtna a châu ta a, Ka ido zo lohai kutah Lalpa chun a mi pêk ta a.

ṬAP HLA 1:14 ပူးပေါင်းရင်းမြစ်များ

THUVARHAI 5:22

Mi khawhlo chu ama khawhlona ngei chun lâng a ta, A suolna hruihai chun ama khit tlat nîng a tih.

ISAI 14:25

ka ruot ang tak hin um bawk a tih: ka rama chun Assuria mi chu suksieng ka ta, ka tlângahai chun chîl hrep ka tih, ti ang hin; chu hnunga chun a rîngkawl inbâttir chu annia inthawk chun bo tâng a ta, an rik inphurtir chu anni liengkoa inthawk chun bo bawk tâng a tih.

ISAI 47:6

Ka mihai chungah ka lunginsen a, ka rochan chu ka sukpawrche a, i kutah pêng ka ti che a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 27:12

Chun, hieng thuhai ang tak hin Juda lal Zedekia kuoma chun thu ka hril a, “Babulon lal rîngkawl hnuoia chun in rînghai hung daw unla, ama le a mihai rawng chu bâwl unla, hringin um ro.

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, Lalpa chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 28:13

“Fe la, Hanania chu hieng ang hin va hril rawh: Lalpa chun hienghin a tih: Thinga siem rîngkawlhai chu i sukthliek a; amiruokchu, an aia chun thîrin rîngkawl i siem ding a nih.

JEREMIA 28:14

Israel Pathien, sipaihai Lalpa chun hieng hin a tih: Babulon lal Nebukadnezzar rawng chu an bâwl theina dingin hieng hnam po pohai rînga hin thîr rîngkawl chu kân kawltir tah a nih; ama rawng chu bâwl an ta, ramhnuoia ram sahai chenin ama chu ka pêk tah a nih,” tiin.

JEREMIA 32:3

Juda ram lal Zedekia chun ama chu a khum a, “Ieng dinga hienga thu hi i hril am a na?, ‘Lalpa chun hieng hin a tih: Ngai ta u, hi khawpui hi Babulon lal kuta chun pêng ka ta, ama chun lâng a tih.

JEREMIA 32:5

chun, Zedekia chu Babulona chun ṭhuoi a ta, ka va sir hmakhat chun chutaka chun um zing a ta, Lalpa chun a tih: Kaldaihai chu do unla khawm, hlawtling naw ti niu,’ i ti a,” a ta.

JEREMIA 37:17

chun, lal Zedekia chun mi a tir a, a hung ṭhuoi a, a ina chun lal chun a rûkin ân dawn a, a kuomah, “Lalpa kuoma inthawkin thu a um?” a ti a. Chun, Jeremia chun “A um”, a ti a. “Babulon lal kutah pêkin i um ding a nih,” a ti bawk a.

EZEKIEL 11:9

Chun, chutaka inthawk chun la suok ka ti cheu a, hmêlhrietlohai kutah pêng ka ti cheu a, chun, nangni lai chun rorêlna chu tirsuok ka tih.

EZEKIEL 21:31

I chunga chun ka lunginsenna chu hung bunthlâng ka ta, ka lunginsenna mei chu i chunga chun hung mût ka tih; chun, mi hrânghai, that dân thiemtakhai kuta chun pesuok ka ti che.

EZEKIEL 23:28

Hieng hin Lalpa Pathien chun a ti si a: Ngai ta, i theidahai kuta le, i lungrilin a hransanhai kuta chun ka pêk suok ding che a nih;

EZEKIEL 25:4

ngai ta, an nei ding chein khawsak mi thlahai kuoma chun ka pêk ding che a nih; an chêngna hmunhai chu i sûnga chun siem an ta, an umna hmunhai chu innghat an tih; chun, i tui chu dâwnin i nênetui khawm chu dâwn bawk an tih.

EZEKIEL 25:7

ngai ta, ka kut chu i chungah kân let ta a, hnamhai kuoma chun râllâk sum dingin ka pêk ding che a nih; chun, hnamhai laia inthawkin sâtthlâng ka ti che a; ramhaia inthawka bohmang dingin siem ka ti che; chun, sukbohmang ka ti che a, chun, Lalpa chu ka nih ti mi hre tâng i tih.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni si a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

MIKA 2:3

Chuleiin, Lalpain hieng ang hin a tih: Ngai ta, hi sûngkaw chunga hin thil ṭha naw ka suongtuo a nih; chutaka inthawk chun in rîng la hmang naw ti niu a, chapotakin fe ta naw bawk in tih; hun ṭha naw a ni ding a ni si a.

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.