RUTH 3:13 - Pathien Lekhabu Inthieng (BSI)

¹³ Vawizân chu um phawt el la, zingkâr ama chun i ta dinga laibung chan chu a thaw nuom chun ṭhang a ta, thaw raw se; amiruokchu, laibung chan chu a thawpêk nuom naw che chun, Lalpa hringna sâlin, laibung chan chu thawpêk ngei ka ti che, zingkâr chenin zâl zing el rawh,” a ti a.

RUTH 3:13 ပူးပေါင်းရင်းမြစ်များ

JEREMIA 12:16

Chun, Baal kuoma ṭawng inkhâm dinga ka mihai an inchûktir anga, “Lalpa chu a hring zing angin,” tia, ka hminga ṭawng inkhâm dinga, ka mihai lampuihai chu taimataka an inchûk chun, ka mihai laia chun anni khawm chu siempuitling nîng an tih.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

2 KORINTH 1:23

Nisienlakhawm, ka thlarau chunga hretu dingin Pathien ka ko a nih, nangni hla ding cheuin a nih Korinth khuoa ka hung ta naw.

HEBRAIHAI 6:16

Mihriem hin anni nêka ropui lem sâlin an inkhâm hlak a, an insêlna tinrênga khawm sukdetna dingin inkhâm hi suktâwpna a ni hlak.

RORELTUHAI 8:19

Ama chun, “Ka unau, ka nu naupahai ngei an nih in sawnnaw, Lalpa chu a hring zing ang hin, anni chu lo hla ta chu ni unla ka that naw ding cheu bah,” a ti a.

RUTH 2:20

Ama chun tu kuom am sin a va thaw ti a tarpinu chu a hril a, “Vawisûna sin ka va thawnapa hming chu Boaz a nih,” tiin. Chun, Naomiin a monu kuoma chun, “Lalpa, a lunginsietnaa mi dam le mithi thlathlam ngainawtu chun, ama chu malsâwm raw se,” a ti a. Naomi bawk chun a kuomah, “Ama chu ei inhnaipui, ei laibung bul a nih,” a ti a.

RUTH 3:12

Chun, tuhin, laibung bul chu ka ni ngei el; amiruokchu, keia nêka hnai lem a um a.

RUTH 4:5

Boaz chun, “Naomi kuta inthawka ram chu în châwk ni chun mithi nuhmei Moab mi Ruth în châwk sa ding a nih, amaa inthawka mithi hming chu dei loa a ro hluo ding an um theina dingin,” a ti a.

RUTH 4:6

An laibung bul chun, “Keia ta ding chun kân tlan thei nawh, keima rohluona ding tieng sukbuoi rawi ka tih, intlan theitu ka nina ai chu nangin chang el rawh, kei chun chu kân tlan thei naw a ni hi,” a ti a.