RUTH 1:20 - Pathien Lekhabu Inthieng (BSI)

²⁰ Ama chun an kuomah, “Naomi mi ti naw ro, Marah mi ti lem ro, Iengkimthawthei chun lungsietthlâktakin a mi thaw ta si a.

RUTH 1:20 ပူးပေါင်းရင်းမြစ်များ

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 43:14

in sangpa pakhat le Benjamin hi ân suo pêkna ding cheuin, Pathien Iengkimthawthei chun ama chu inlunginsiettir raw se cheu. Ka nauhai chu chân a ni leh ka chân ding ni el a tih,” a ta.

JOB LEKHABU (THE BOOK OF JOB) 11:7

A zawnga zawng ngawtin Pathien thil inthûkhai chu i hmu suok thei ding am a nih? Iengkimthawthei chu a famkimin i hmu suok thei ding am a nih?

JOB LEKHABU (THE BOOK OF JOB) 19:6

Pathien chun ka chungthuah tuhin a mi pei thlâk ta a, A lên chun a mîn khum tah ti hre ro.

JOB LEKHABU (THE BOOK OF JOB) 5:17

“Ngai ta, mi Pathienin a sukdik chu a va hlim de! Chuleiin, Iengkimthawthei thununna chu hmusit naw rawh.

JOB LEKHABU (THE BOOK OF JOB) 6:4

Iengkimthawthei thalhai chu keimaa hin a um a, Chutaka a tûr chu ka thlarau hin a dâwn si a; Pathien ṭiumnahai chu kei mi epin an intlar a.

JOB LEKHABU (THE BOOK OF JOB) 9:18

Ka thuok lâk ding chu mi ngaithei naw ni a; Khâknain mi suksip lem a tih.

INPÂKNA HLABU 73:14

Sûnnithlâkin sawisakin ka um a, Tûk tin kâwkin ka um si a.

INPÂKNA HLABU 88:15

Ka naupangtea inthawk rinum tuor le, thi vâng vângin ka um hlak a, I thil râpthlâktakhai ka tuorin ka thaah a mi man hlak.

FESUOKNA 15:23

Mara hmun an hung tlung chun, Mara hmuna tui chu a khâk leiin an dâwn thei ta naw a; chuleiin, chu hmun chu Mara inbûk a ni ta a.

FESUOKNA 6:3

Abraham kuoma dâm, Isak kuoma dâm, Jakob kuoma dâm Pathien Iengkimthawthei angin kân lâr hlak a, nisienlakhawm, ka hming Lalpa ang hin an kuomah inhriettir ka ni ngai nawh.

ISAI 38:13

Zîngkâr chenin ka to hrâm hrâm a, Sakeibaknei angin ka ru po po a suktliek vawng a: Nangin ni khat le zân khat thil thuah i mi suktâwp el ding a ni hi.

HEBRAIHAI 12:11

Chun, thununna hrim hrim hi tuor lai chun lâwmumin ân lang naw a, thlasietthlâkin ân lang lem hlak, tuor hnung ruok chun chutaka sawizawia umhai ta ding chun felna ra thlamuongumtak chu ân suopêk hlak.

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 21:22

Chun, a sûnga chun biekin hrim ka hmu naw a; Lalpa Pathien Iengkimthawthei le Berâmte chu an biekin an ni si a.