RUTH 1:13 - Pathien Lekhabu Inthieng (BSI)

¹³ an puitling chenin in nghâk el ding am a nih? Chu chu lei chun pasal nei lovin in um el ding am a nih? Ni lo e, ka naunuhai, ka chunga Lalpa kut hieng anga a hung tla ta hi, nangni ta ding hin ka lung a na bêk bêk a nih,” a ti a.

RUTH 1:13 ပူးပေါင်းရင်းမြစ်များ

INṬANNA 38:11

Juda chun a monu Tamar kuoma chun, “Ka naupa Selah hi a puitling hmakhat chu i pa in tieng pasal nei lovin lo um phawt rawh,” a ti a. “Chuong naw chun ama khawm hi a uhai angin thi rawi a tih,” a ti a nih. Chuongchun, Tamar chu a pa in tieng chun a va um ta a.

JOB LEKHABU (THE BOOK OF JOB) 19:21

Aw nangni ka ruolhai, mi lunginsiet ro, mi lunginsiet ro, Pathien kut chun a mi hung tâwk ta si a.

INPÂKNA HLABU 32:4

A sûn a zânin i kutin a mi del si a; Ka taksa hnâwngna khawm, ṭhâlrumin thil a sukdanglam angin, a hung danglam ta hiel kha.

INPÂKNA HLABU 38:2

I thalhai chu ka pangah ân bûr tlat a, I kutin a mi nam ngâwi ngâwi si a.

DÂN PAHNINA 2:15

Mipuihai laia inthawka an bohmang dêr hmakhat chun anni chu sukbohmang dingin Lalpa kutin a tai zing bawk a.

RORELTUHAI 2:15

An fena tieng tiengah Lalpa kut chu a se tiengin an chungah a tla pei a, Lalpain a lo hril ta ang le Lalpain an kuoma inkhâma a lo hril ta ang khan; chuleiin, duoiin an lunginzing ta naw a.

RUTH 1:12

Kîr nâwk unla, ka naunuhai, fe el lem ro, pasal hang nei dingin ka upa taluo ta si a. Beiseina ka la nei tiin, vawizân hin pasal nei elin naupasalhai nei ding hrim lang khawm,

RUTH 1:14

Chuongchun, an râwlhai insuo meuin an ṭap rak rak nâwk a; chun, Orpah chun a tarpinu chu a fâwp a, Ruth ruok chun amanu chu a chel tlat a.

RUTH 1:21

Buriptakin ka suok a, Lalpa chun kutbenthekin a mi ṭhuoi kîr nâwk a ni hi: Lalpa chun ka chungah a lungninawna a suklang a, Iengkimthawthei chun a mi sukrimsi ta hnungin, iengdinga Naomi in mi la ti rawp am a na?” a ti a.

1 SAMUEL 5:11

Chuongchun, Philistin lalhai po po chu an ko khâwm a, “Israelhai Pathien bâwm hi infe hmangtir unla keini le kan mihai a mi sukhlum nawna dingin a umna hmun pângngaiah fe nâwk raw se,” an ta. Khaw pumpuia chun thina khawp buoina nasatak a um a; Pathien kut chun chu khuo chu a del hle si a.