RORELTUHAI 9:28 - Pathien Lekhabu Inthieng (BSI)

²⁸ Ebed naupa Gaal chun, “Abimelek chu tu am a na? Sekem khawm tu am a ni a, keinin a rawng kan hei bâwl el ding chu? Jerubbaal nau a ni naw am a nih? Zebul hi a khâwnbâwl a ni naw am a nih? Sekem pa Hamor mihai rawng chu bâwl el nâwm ei ni, iengdingin am ama rawng chu bâwl ei ti leh?

RORELTUHAI 9:28 ပူးပေါင်းရင်းမြစ်များ

INṬANNA 33:19

A puon in zarna hmun chu Sekem pa Hamor nauhaia inthawkin tangka zain ân châwk a.

INṬANNA 34:2

Chun, Hiv mi Hamor, chu ram lal naupa Sekem chun ama chu a lo hmu a; a man a, a zâlpui a, ân tlâwm ta a.

INṬANNA 34:6

Sekem pa Hamor chu Jakob be dingin a kuomah a fe a.

2 SAMUEL 20:1

Chun, chutaka chun Benjamin mi, Bikri naupa a hming Seba, Belial mi pakhat a lo um hlau el a; tawtawrâwt a mût a, “Davida hin chanvo ei nei ve naw a, Jesai naupaa hin rohluo ding ei nei bawk nawh, aw Israel mihai, in puon in tieng seng fe ro,” a ta.

1 LALHAI 12:16

Chun, Israelhai po po chun lalin an thuhril a pawm nawh ti an hrietin, mipuihai chun, “David a hin chanvo ieng am ei nei leh? Jesai naupaa hin rohluo ding ei nei chuong bawk nawh: Aw Israelhai, in puon in tieng fe vawng ro, David, i sûngkuo chu ngaituo el rawh,” tiin lal chu an dawn a. Chuongchun, Israelhai chu an puon in tieng chun an fe ta a.

RORELTUHAI 9:26

Chun, Ebed naupa Gaal, a unauhai leh an hung inthawk a, Sekemah an lût a, Sekem mihai chun an lo ringzo hle a.

RORELTUHAI 9:41

Chun, Abimelek chu Aruma khuoah a um ta a, chuongchun, Zebul chun Gaal le a unauhai chu Sekema um thei lo dingin a hnawt suok ta vawng a.

1 SAMUEL 25:10

Chun, Nabal chun David siehlawhai chu a dawn a, “David chu tu am a ni leh? Jesai naupa chu tu am a ni leh? Tulai hin siehlaw tamtak puhai tlân hmangsan an tam el a.