RORELTUHAI 8:27 - Pathien Lekhabu Inthieng (BSI)

²⁷ Chun, Gideonin chuonghai chun thiempu zakawsîng a siem a, a umna Ophra khuoa chun a sie a; chutaka chun chu chu bein Israelhai po po chu an lo uire zo ta a, Gideon le a sûnghai ta ding khawma châng a lo ni ta a.

RORELTUHAI 8:27 ပူးပေါင်းရင်းမြစ်များ

INPÂKNA HLABU 106:35

Hnam tin chu an pâwl a, An thilthawhai chu an inchûk lem a.

INPÂKNA HLABU 106:39

Chuongchun, an sinthawhaia sukkhawlovin an um ta a, An thilthawhaia chun an hung uire ta a.

INPÂKNA HLABU 73:27

Ngai ta, nangma hlata umhai chu an bohmang ding a ni si a, A uiret santu taphawt che chu i sukbohmang ta a.

FESUOKNA 23:33

I ram sûngah an um ding a ni naw a, chuong naw chun ka chungah insuksuoltir rawi an ti che; an pathienhai rawng i bâwl chun, i ta dingin châng a ni ngei ngei ding a ni si a, tiin” a ta..

FESUOKNA 32:4

An kuta inthawk chun a lâk a, kerna hriemhrei hmangin a sungna ding a siem a, bâwngte limah a sung ta a. Anni chun, “Aw Israel, hi hi Aigupta rama inthawka hung ṭhuoi suoktu che i pathien chu a ni hi,” an ti a.

FESUOKNA 34:16

An naunuhmeihai chu i naupasalhai inneitir i ta, an naunuhmeihai chun an pathienhai hnawta an inzawr phain, i naupasalhai chu an pathienhai leh inuiretir rawi an tih.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

EZEKIEL 7:20

An incheina mawina chu inlalsaknân an hmang a; nisienlakhawm, an tirdakumna limhai chu an siemin, an pawrchena thilhai limhai le chun; chuleiin, an ta ding chun thil thiengnawah ka siem tah a nih.

HOSEA 2:2

In nu hi ngên ro, ngên ro; Ama hi ka nuhmei a ni si naw a. Kei khawm a pasal ka ni nawh; A mit hmua inthawkin a nawchizawr chîng hi pei hmang sienla, A ṭânghai laia inthawkin a uiret chîng hi pei thla raw se.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

DÂN PAHNINA 12:5

Lalpa in Pathienin in hnam po po laia a hming umna ding hmun a la ruot ding chu zawng lem in ta, chutaka chun in fe ding a nih.

DÂN PAHNINA 7:16

Lalpa in Pathienin a pêk ding cheu hnamhai po po chu in sukbohmang vawng ding a nih, in lunginsiet ding a ni naw a, an pathienhai rawng khawm in bâwl ding a ni nawh; in ta dingin châng a ni el ding a ni si a.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

RORELTUHAI 17:5

Chun, Mika chun pathienhaiah a nei a, zakawsîng le milimhai a siem a, a naupa pakhat chu a thiempu dingin a suktum ta a.

RORELTUHAI 18:14

Chun, Lais ram enthlithlai dinga suokhai mi panga chun an dawn a, an unauhai kuomah, “Hieng inhaia hin zakawsîng dâm, milim siem fâwm dâm, milim sung fâwm dâm, a um ti in hriet am? Chuleiin, tuhin ieng am in thaw ding ngaituo ro,” an ti a.

RORELTUHAI 18:17

Chun, mi panga ram enthlithlaituhai chu an hang fe a, an hang lût a, milim siem fâwm dâm, milim dâm, milim sung fâwm dâm chu an lâk a, chun, thiempu chu mi za ruk indona thuom inbelhai lai kul kawtkhâr bula chun a ngîr ve a.

RORELTUHAI 2:2

chun hi rama umhai le hin thu thlung naw unla, an maichâmhai chu sukchimpêk ro’, ka ti kha. Nisienlakhawm, ka râwl chu ngai lova, iengdinga hienga hi thaw am in ni a?

RORELTUHAI 2:3

Chuleiin, tuhin, ka hril cheu hi, Anni chu hnawt suokpêk ta naw ning cheu a, in nâkphêkhaia chun hling ang hung ni tâng an ta; an pathienhai chu in ta dingin châng nîng an tih,” a ti a.

RORELTUHAI 6:11

Chun, Lalpa vântirko a hung a, Ophra khuoa Abiezrit mi Joas thingsaisuo hnuoiah a ṭhung a, a naupa Gideon chun Midianhai hmu theilo dingin grêp sâwrna khura chun bu a lo vuok a.

RORELTUHAI 6:24

Chuongchun, Gideon chun chutaka chun Lalpa ta dingin maichâm a siem a, Jehova-Salom ân bûk a; tu chen hin Abiezrit mihai khuo Ophraa chun a la um zing a nih.

RORELTUHAI 8:26

Chun, chuong rângkachak nabe a hni khâwm chu a rikzie chu rângkachak shekel sâng khat le za sari a nih, rîngawrhai, nabehai, Midian lalhai puon senduk tiemsa lovin an sanghâwngseihai khaidiet hli khawm ṭhang lovin.

RORELTUHAI 8:28

Chuongchun, Midianhai chu Israel thlahai hmaa chun suktlâwmin an lo um ta a, an châng thei ta naw a. Gideon dam sûng chu ram chu kum sâwmli râlmuongin a um a.